Bul týraly budan buryn habarlaǵanbyz.
Densaýlyq saqtaý mınıstrligi Almatynyń ortalyq qalalyq klınıkasynda AITV (VICH) juqtyrý faktisi boıynsha epıdemıologıalyq tekseris bastady, dep habarlaıdy Almaty-akshamy.kz vedomstvonyń baspasóz qyzmetine silteme jasap.
"Osy fakti boıynsha DSM Sanıtarlyq-epıdemıologıalyq baqylaý jáne Medısınalyq jáne farmasevtıkalyq baqylaý komıtetteri tekseris bastady. Komısıanyń quramyna mınıstrliktiń Qazaq dermatologıa jáne ınfeksıalyq aýrýlar ǵylymı ortalyǵynyń mamandary tartyldy", - delingen Densaýlyq saqtaý mınıstrliginiń habarlamasynda.
Qosymsha aqparat komısıa jumysynyń qorytyndysy boıynsha beriledi.
Buǵan deıin JITS ortalyǵynyń mamandary Almatydaǵy ortalyq qalalyq klınıkalyq aýrýhanasynda em qabyldaǵan adamdardyń arasynda AITV-oń mártebesi bar úsh jaǵdaıdy anyqtaǵany habarlanǵan bolatyn.
Osyǵan qatysty shuǵyl komısıa quryldy. Komısıa AITV-ınfeksıasynyń berilý kózderin anyqtaý boıynsha ishki tergeý júrgizip, donorlar, medısına qyzmetkerleri jáne baılanysqan adamdar tekserildi. Zerttelgenderdiń barlyǵynda teris nátıje shyqty.