Jańa taǵaıyndaý
Qazaqstan Respýblıkasy Úkimetiniń qaýlysymen Marat Eleýsizuly Sultanǵalıev buǵan deıin atqarǵan qyzmetinen bosatyla otyryp, Qazaqstan Respýblıkasynyń birinshi qarjy vıse-mınıstri laýazymyna taǵaıyndaldy. Bul týraly QR Premer-Mınıstriniń baspasóz qyzmeti málimdedi.
Marat Sultanǵazıev 1976 jyly Almaty oblysynda dúnıege kelgen. Abaı atyndaǵy Almaty memlekettik ýnıversıtetin, Qazaq memlekettik zań akademıasyn, T. Rysqulov atyndaǵy Qazaq ekonomıkalyq ýnıversıtetin támamdaǵan.
Eńbek jolyn 1997 jyly Salyq bóliminiń zańdy tulǵalardy tekserý bóliminiń birinshi sanatty mamany bolyp bastaǵan.
1998-2001 jyldary Almaty qalasy boıynsha Salyq komıtetiniń salyq ınspektory, aǵa salyq ınspektory, jetekshi salyq ınspektory, bas maman – bas salyq ınspektorynyń m. a. bolyp jumys istegen.
2001-2010 jyldary Almaty qalasy boıynsha Salyq komıtetinde jumysyn jalǵastyrǵan, Almaty qalasy boıynsha Salyq departamenti basshysynyń orynbasary bolyp jumys istegen.
2010-2012 jyldary QR Qarjy mınıstrliginde basshylyq qyzmetterdi atqarǵan.
2012-2014 jyldary — QR Prezıdenti Ákimshiliginiń Áleýmettik-ekonomıkalyq monıtorıń bóliminiń sektor meńgerýshisi.
2014-2017 jyldary — QR Qarjy mınıstrligi Memlekettik kirister komıtetiniń Almaty qalasy boıynsha Memlekettik kirister departamentiniń basshysy.
2017 jylǵy maýsymnan 2018 jylǵy qazanǵa deıin QR Prezıdenti Ákimshiliginiń Áleýmettik–ekonomıkalyq monıtorıń bólimi meńgerýshisiniń orynbasary qyzmetin atqardy.