Tenısshiniń isi Avstralıanyń federaldy sotyna joldandy
Serbıalyq tenısshini Avstralıanyń quqyq qorǵaý organdary ustady, dep habarlaıdy Almaty-akshamy.kz Zakon.kz-ke silteme jasap.
14 qańtarda Avstralıanyń ımıgrasıa mınıstri Aleks Hoýk Djokovıchtiń vızasynyń kúshin joıdy. Sol kúni keshke sot otyrysy ótip, onyń barysynda tenısshiniń isi Avstralıanyń federaldy sotyna joldandy.
"Atalǵan avstralıalyq ádilet organynda jospar boıynsha onlaın sot tyńdalymy 15 qańtarda ótýi tıis bolatyn. Biraq osy sot tyńdalymy aldynda sportshy ustalyp, qamaýǵa alyndy. Soǵan baılanysty sot 16 qańtarda ótetin boldy", - dep habarlaıdy CNN.
Djokovıchke qatysty aıyp vıza alý úshin qujattar toltyrý kezinde paıda boldy. Sportshynyń koronavırýsqa qarsy vaksına almaýǵa múmkindik beretin medısınalyq qarsy kórsetilimi baryn dáleldeıtin qujaty bar. Alaıda avstralıalyq tarap tenısshiniń bul aıǵaqtaryna kúmánmen qaraıdy.