Keıbir ǵımarattar men turǵyn úılerge sý berý toqtatyldy.
21 qyrkúıek kúni Atyraý shaǵyn aýdany aýmaǵyndaǵy Talǵar sý taratqyshtyń 1-shi tarmaǵynda apatty jaǵdaı oryn alyp, sý aǵyp, 1400 mm jer asty qubyry zaqymdalǵan. Qazir sý taratqysh sýmen jabdyqtaý júıesinen ajyratylǵan, dep habarlaıdy Almaty-akshamy.kz «Almaty Sý» MKK silteme jasap.
Talǵar sý taratqyshtary dıametri 1200-1400 mm bolatyn tórt jipten turady, sonaý 60-shy jyldary paıdalanýǵa berilgen jáne Talǵar sý qabyldaǵyshyndaǵy uńǵymalardan óndiriletin sýdy tasymaldaýǵa arnalǵan. 1-shi jeli 1967 jyly paıdalanýǵa berildi.
Sýdyń aǵyp ketýi saldarynan 1 jeke menshik úıdiń aýlasyn sý basyp qalǵan, apat bolǵan jerdegi sýdy ózenge burý júzege asyrylady.
Apatty qyzmetter abonentterdi apatty sý taratqyshtan basqa sý taratqyshtarǵa aýystyrý arqyly sýmen jabdyqtaý syzbasyn ózgertý boıynsha jumystar júrgizdi. Júrgizilgen jumystardyń nátıjesinde sýdy óshirý aımaǵy barynsha qysqartyldy.
Apatty jaǵdaı joıylǵanǵa deıin 21 qyrkúıek saǵat 8:45-ten bastap kelesi mekenjaılar boıynsha ornalasqan ǵımarattar men turǵyn úılerge sý berý toqtatyldy:
- Medeý aýdany, "Atyraý" shaǵynaýdany,9 eki qabatty úı, 20 JTQ, Atyraý qazandyǵy)
- Túrksib aýdany, "Aısha bıbi" shaǵynaýdany, Volochaevskaıa kóshesi, 200 JTQ, 5
JEO-ǵa jáne basqa abonentterge sý berý shtattyq rejımde júzege asyrylady.
Jumystardy aıaqtaýdyń josparlanǵan ýaqyty: 15:00
Anyqtama:
Sý aǵýyna qatysty ótinim abonentten dıspecherlik kásiporynǵa saǵat 5:20-dan kelip tústi, apatty brıgadalar oqıǵa ornyna saǵat 6:00-de keldi.
Apatty jaǵdaıdy joıý jáne sýmen jabdyqtaý syzbasyn ózgertý úshin 4 apatty brıgada, 1 ekskavator, 2 samosval, 4 apatty avtokólik jumyldyryldy
Osy sý taratqyshtar arqyly Alataý, Jetisý jáne Túrksib aýdandarynyń turǵyn úı jáne ákimshilik qurylystaryn sýmen jabdyqtaý, sondaı-aq JEO-1 jáne JEO-2 sý berý qamtamasyz etiledi. Talǵar sý taratqyshtary arqyly beriletin sýdyń jyldyq kólemi Almaty qalasyn sýmen jabdyqtaýdyń barlyq kóleminiń 25% -27%-yn quraıdy.