Kúnbaǵys maıynyń baǵasy bir aıda 0,3%-ǵa, jyl basynan beri 30%-ǵa, al bir jylda 56%-dan asa qymbattaǵan.
Elimizde tazartylǵan kúnbaǵys maıynyń óndirisi turaqty túrde artyp keledi, dep habarlaıdy Almaty-akshamy.kz Energyprom.kz saıtyna silteme jasap.
2021 jyldyń qańtar-qyrkúıek aılarynda elimizde 131 myń tonna tazartylmaǵan kúnbaǵys maıy óndirildi, bul ótken jylmen salystyrǵanda 1,4%-ǵa az. Al tazartylǵan maı óndirý birden 29,7%-ǵa ósip, 109,8 myń tonnaǵa jetti.
Tazartylmaǵan kúnbaǵys maıyn óndirý kólemi boıynsha Shyǵys Qazaqstan (98 myń tonna), Qostanaı (10,5 myń tonna) jáne Aqtóbe (8,3 myń tonna) oblystary kósh bastap tur.
Óńdelgen kúnbaǵys maıyn óndirýden Shymkent (47,3 myń tonna), Shyǵys Qazaqstan oblysy (40,4 myń tonna) jáne Almaty (17 myń tonna) kósh bastap tur.
2020 jyly elimizde 351,3 myń tonna kúnbaǵys maıy óndirilgen, bul ótken jylǵy kórsetkishpen salystyrǵanda 9,7%-ǵa artyq.
Bıylǵy jyldyń segiz aıynyń qorytyndysy boıynsha jergilikti kompanıalar kúnbaǵys maıyna degen 75,6% suranysty (ishki naryqtaǵy satý jáne eksport) 80,2%-ǵa qamtamasyz etti.
Importtyń úlesi tıisinshe 19,8%-dy qurady. Jyl basynan beri elimizge 54,5 myń tonna maı jetkizildi, bul ótken jyldyń osy kezeńimen salystyrǵanda 12,1 paıyzǵa az. Eksportqa 58,5 myń tonna kúnbaǵys maıy jiberildi, jylyna 25,5%-ǵa azaıǵan.
İshki satylym 217 myń tonnaǵa jetti, bul ótken jylmen salystyrǵanda 23,8%-ǵa artyq.
2021 jyldyń qazan aıynda elimizdiń dúkenderi men bazarlarynda kúnbaǵys maıynyń bir lıtri 767 teńge boldy, bul bir jyl burynǵydan 56,2%-ǵa artyq. Bir aıda baǵa 0,3%-ǵa, jyl basynan beri 29,9%-ǵa ósti.
Elimizdiń iri qalalarynyń ishinde eń qymbat baǵa Atyraýda (836 teńge), eń arzany Petropavlda (664 teńge) boldy.
Aımaqtyq turǵyda jyldyq dınamıkadaǵy baǵa BQO-da birden 71,7%-ǵa, Qostanaı oblysynda – 70,9%-ǵa, Aqmola oblysynda – 69,8%-ǵa ósken.
Qazaqstanda aldaǵy bir jarym aıda kúnbaǵys maıynyń bir lıtri 100 teńgege arzandaýy múmkin, dep habarlady inbusiness.kz. Buǵan Reseı men Ýkraınadaǵy kúnbaǵystyń joǵary ónimdiligi sebep bolýy múmkin.