Elordada «Nelegal» jedel-aldyn alý is-sharasy ótti, dep habarlaıdy Almaty-akshamy.kz Inform.kz-ke silteme jasap.
Astana polıseıleri 27 maýsymy men 4 shilde aralyǵynda qaladaǵy qurylys nysandaryn, qonaqúıler, jataqhanalar, adamdar kóp jınalatyn oryndar men shetel azamattary zańsyz bolýy múmkin jerlerdi tekserip shyqty. Maqsat – elimizdegi kóshi-qon turaqtylyǵyn saqtap, zańsyz kóshi-qonnyń krımınogendik jaǵdaıǵa teris áseriniń aldyn alý.
«Jedel-aldyn alý is-sharasy barysynda Qazaqstanda bolý erejesin buzǵany úshin 1358 shetel azamaty ákimshilik jaýapkershilikke tartyldy. 98 shetel azamaty elden shyǵaryldy. Sonyń ishinde 8 sheteldikti sottyń sheshimimen elden shyǵarýǵa týra keldi. Sondaı-aq, kóshi-qon zańnamasyn buzǵany úshin Qazaqstan Respýblıkasynyń 340 azamaty ákimshilik jaýapkershilikke tartyldy. Onyń ishinde 275 azamat shaqyrylǵan sheteldikterdiń belgilengen kelý qaǵıdalaryn buzǵan, al 65 adam sheteldik jumys kúshin tartý qaǵıdalaryn buzǵany jáne sheteldiktiń eńbek qyzmetin zańsyz júzege asyrǵany úshin jaýapkershilikke tartyldy», - dep habarlaıdy elordanyń polısıa departamenti.
Jedel-aldyn alý is-sharalarynyń nátıjesi kórsetip otyrǵandaı shetel azamattary Qazaqstan Respýblıkasyna kelý, elde bolý jáne elden ketý tártibi erejelerin jıi buzady.