Qalamyzdyń barlyq aýdandarynda merekelik sharalar ótkizilýde
Almatynyń barlyq aýdandarynda merekelik konsertter ótýde. Elordany týǵan kúnimen eń birinshi bolyp balalar quttyqtady, dep habarlaıdy Almaty-akshamy.kz.
Ortalyq mádenıet jáne demalys parkinde shyǵarmashylyq ujymdardyń úlken konserti ótti. Aspan astyndaǵy ashyq sahnada jas ónerpazdar qazaqsha, oryssha, aǵylshynsha ánder shyrqap, ulttyq aspaptarda oınady, bı bıledi.
Medeý aýdanynyń belsendi zeınetkerleri aıtýly merekeni umytqan joq. Balalar sahnada óner kórsetse, úlkender jaǵy jas ónerpazdardy qoldap, birge án salyp, bı bıledi.
«Bizdiń aýdanda 28 myń zeınetker turady, bári shetinen belsendi, mundaı sharalardy jibermeıdi. Osyndaı merekelerdi qýana toılaımyz. Mysaly, keshe Ortalyq memlekettik mýzeıde boldyq. Budan bólek, óz betimizshe oqýdy da umytpaımyz. Túrli tilderdi meńgerip, kompúter kýrstaryna baramyz, jańa tehnologıalardy ıgerýge tyrysamyz», – dedi Medeý aýdany Ardagerler keńesi tóraǵasynyń orynbasary Dına Baıseıit.
Aýdanda toǵyz Uly otan soǵysy ardageri turady. Barlyǵynyń jaǵdaıy jaqsy, biraq konsertterge qatysa almaıdy. Jasy toqsandy eńsergen olarǵa bul qıynǵa soǵatyny anyq. Al soǵys ardagerine teńestirilgen Rahymjan Nýptekeev konsertke mindetti túrde qatysty.
«Astana kúni – úlken meıram. Barlyǵymyz Nur-Sultan qalasyn jaqsy kóremiz, birneshe márte elordada bolǵanbyz. Osynaý aıtýly meıramda barshaǵa ashyq aspan, mol jaqsylyq tileımin», – dedi almatylyq ardager.
Meıramdy toılaýǵa kelgen balalar konsert tamashalap qana qoımaı, asfáltte sýret salý konkýrstaryna da qatysty.