Azıa aımaǵynda koronavırýstyń taralý qarqyny tómendemeı tur
Búginnen bastap Fransıa Eýropa elderinde covid-19 vırýsynyń belsendi taralýyna baılanysty shekaralyq baqylaýdy kúsheıtýde, dep habarlaıdy Almaty-akshamy.kz COVID-19 taralýyna jol bermeý jónindegi VAK-qa silteme jasap.
Shekaradan ótý úshin 12 jastan asqan azamattarda 48 saǵattan erte emes tapsyrylǵan teris nátıjeli PTR anyqtamasy bolýy qajet. Sonymen qatar el bıligi covid-19 boıynsha kúrdeli epıdemıologıalyq jaǵdaıy bar elder úshin qosymsha tús belgilerin engizdi. Mysaly, «omıkron» shtammyn juqtyrý jaǵdaılary anyqtalǵan memleketter qyzyl túspen belgilengen. Qazirgi ýaqytta Fransıanyń 5 aımaǵynda osy shtamdy juqtyrýdyń 9 jaǵdaıy anyqtaldy.
Azıa aımaǵynda koronavırýstyń taralý qarqyny tómendemeı tur. Vetnamda bir kúnde 13 670 SARS-CoV-2 tasymaldaýshysy anyqtaldy. Densaýlyq saqtaý mınıstrligi Hoshımın men el astanasy Hanoıda óte joǵary kórsetkishter tirkelgenin atap ótti. Vırýs juqtyrǵandardyń basym bóligi Vetnamnyń ońtústiginde jáne ortalyq bóligindegi provınsıalarda anyqtaldy. Pandemıa bastalǵannan beri rastalǵan jaǵdaılardyń jalpy sany 1 280 780-ge jetti. Eldegi vaksınasıa qarqyny áli de kúsheıtýdi qajet etedi, búgingi kúni 97 mıllıonnan astam turǵynnyń 53 mıllıonǵa jýyǵy vırýsqa qarsy egildi.