Kelip túsken aryzdyń 3 paıyzynda ǵana normatıvtik-quqyqtyq aktilerdiń kemshilikteri, problemalary týraly máseleler kóteriledi.
QR Konstıtýsıalyq keńesiniń apparat basshysy Baqyt Nurmuhanov aıtýynsha, konstıtýsıalyq keńeske azamattardan jylyna 500-600 shaǵym kelip túsedi, dep habarlaıdy Almaty-akshamy.kz
«Qazirdiń ózinde Konstıtýsıalyq keńes azamattardyń shaǵymyn qaramaıdy. Soǵan qaramastan jylyna shamamen 500-600 shaǵym kelip túsedi. Biz olarǵa qazirgi qoldanystaǵy Ákimshilik-rásimdik prosestik kodekstiń talaptary boıynsha jaýap beremiz. Iaǵnı, onyń kópshiligi basqa memlekettik organdarǵa joldanyp otyrady. Qazir de aıtýyma bolady, olardyń kópshiligi Konstıtýsıalyq keńestiń de, Konstıtýsıalyq sottyń da ókilettigine kirmeıdi», - dedi ol.
Máselen, onyń aıtýynsha, kóptegen azamat sot úkimderimen kelispeıdi. Jazany qatań dep sanaıdy. Óziniń kinási dáleldenbegen dep esepteıdi. Al mundaı máselelerdi qaraý eshqandaı elde Konstıtýsıalyq sottyń quzyryna kirmeıdi.
«Dáleldemelerge tıisti baǵa berý sottyń mindeti. Kelip túsken aryzdyń 3 paıyzynda ǵana normatıvtik-quqyqtyq aktilerdiń kemshilikteri, problemalary týraly máseleler kóteriledi. Bul - Konstıtýsıalyq sotta qarala alatyn máseleler. Biraq, qazir azamattar Konstıtýsıalyq keńeske tikeleı júgine almaıdy», - dedi Baqyt Nurmuhanov.