Kórlıng – Shotlandıadan shyqqan oıyn. HVİ ǵasyrda shotlandıalyq fermerler qys boıy granıt tastardy kól betine qatqan muz ústimen syrǵanatyp, saıysqa túsken. Shotland tilinen aýdarǵanda «Kórl» «aınaldyrý», «shıyrý» degen maǵynany bildiredi. Iaǵnı, tasty belgili baǵytqa durys aınaldyryp jibere bilý. Naqtyraq aıtqanda, bul oıyn tunyp turǵan ǵylym. Bul oıyn – uzyndyǵy 44,5 metr tik buryshty muz aıdyn ústinde oınalady. Granıt tastyń salmaǵy 20 kelini tartady.
Munda tasty laqtyrýǵa da, sermeýge de bolmaıdy. Ony tek muz betimen syrǵanatý kerek. Eki komanda tastardy qarsy bettegi «úıdiń» ortalyǵyna qaraı neǵurlym jaqynyraq ornalastyrýǵa tyrysady. «Úıdiń» ortalyǵyna neǵurlym jaqynyraq ornalasqan tastar ǵana upaı ákeledi. Qalǵandary esepke alynbaıdy. Tórt adamnan quralǵan komandanyń biri tasty syrǵanatsa, qalǵandary tastyń jolyn ysqylap, muz betin óte usaq kedergilerden tazartyp, onyń jyljýyna múmkindik jasaıdy. Ysqylaýdyń ózi tolyq bir ǵylym ispetti. Jalpy, kórlıng – qara kúshti emes, dáldik pen aıla-tásildi qajet etetin oıyn.
Kórlıng 1988 jyldan beri Olımpıadalyq oıyndar baǵdarlamasyna engizilgen. Oıyn Qazaqstanda da damyp keledi. Ártúrli deńgeıdegi týrnırler uıymdastyrylýda. Sonyń bir dáleli - Almatyda «Halyq Arena» muz saraıynyń ashyq alańynda Qazaqstan Respýblıkasynyń IV Qysqy Jasóspirimder oıyndary aıasynda kerlıngten jarys ótýde.
Ashylý saltanaty 4 aqpan kúni saǵat 11:00-de bolady.
Kúni men orny:
2023 jyldyń 31 qańtary men 12 aqpany aralyǵynda Almaty qalasy, Ońdasynov kóshesi, 191
Baılanys úshin: Angelına Ebaýer, Qazaqstan Respýblıkasynyń Kerlıng federasıasy +7 747 620 99 16