Oqýshylardyń arasynda syrqattanýshylyqtyń kúrt ósýine jol bermeý úshin sanıtarlyq-epıdemıologıalyq talaptardyń saqtalýyn qamtamasyz etý qajet. Bul týraly búgin Úkimet otyrysynda QR Densaýlyq saqtaý mınıstri Ajar Ǵınıat aıtty, dep habarlaıdy Almaty-akshamy.kz QazAqparatqa silteme jasap.
«Halyqaralyq tájirıbeni eskere otyryp jáne eldegi kúrdeli epıdemıologıalyq jaǵdaıǵa baılanysty Bilim jáne ǵylym mınıstrligi men Birikken ulttar uıymy Balalar qorynyń usynymdary boıynsha bilim berý uıymdarynda oqytý formaty qaıta qaraldy. Máselen, barlyq mektepke deıingi uıymdar, bastaýysh synyp jáne qýaty 600 oqýshyǵa deıingi mektep shtattyq formatta jumys jasaıdy», - dedi Ajar Ǵınıat.
Mınıstrdiń atap ótýinshe, 600-den astam oqýshysy bar bilim berý uıymdarynda toltyrý 50 paıyzdan aspaý kerek. Bastaýysh mektep oqýshylary shtattyq rejımde bilim alady. Bul rette oqytý formatyn tańdaý kezinde mindetti túrde vaksınalaýmen qamtý deńgeıi eskeriledi. Al joǵary oqý oryndary men kolejderde de saralanǵan tásil engizilgen: leksıalar – onlaın, qalǵan sabaqtar ıkemdi keste boıynsha shtattyq rejımde ótedi.
«Bul rette, balalardyń arasynda da JRVI men KVI-den syrqattanýshylyqtyń 1,3 ese kóbeıip otyrǵanyn eskerip, sanıtarlyq-epıdemıologıalyq qadaǵalaý organdary karantındik sharalardyń oryndalýyna monıtorıńti jalǵastyratynyn jáne buzýshylyqtar anyqtalǵan jaǵdaıda, oqytý onlaın formatqa aýystyrylatynyn atap ótken jón. Osyǵan baılanysty, oblystardyń, Almaty, Nur-Sultan jáne Shymkent qalalarynyń ákimdikteri oqýshylardyń arasynda syrqattanýshylyqtyń kúrt ósýine jol bermeý úshin bilim berý uıymdarynda sanıtarlyq-epıdemıologıalyq talaptardyń saqtalýyn qamtamasyz etýi qajet», - dedi ol.