Bul shara Beıbarys sultannyń 800 jyldyǵyn merekeleý baǵdarlamasyna kiredi.
Qazaqstandyq delegasıa Mysyrda Beıbarys sultan meshitiniń qaıta ashylý saltanatyna qatysty, dep habarlaıdy Almaty-akshamy.kz
Elimizden barǵan delegasıa quramynda senat spıkeri Máýlen Áshimbaev, mádenıet jáne sport mınıstri Asqat Oralov, aqparat jáne qoǵamdyq damý mınıstri Darhan Qydyráli jáne basqa da qoǵam qaıratkerleri bar.
"Búgin Qazaqstan men Mysyr úshin óte mańyzdy kún. Biz Kaırdiń kórikti jerleriniń birin qaıta ashyp qana qoımaı, eki memleket arasyndaǵy mádenı jáne rýhanı baılanysty nyǵaıtamyz. Beıbarys sultan-bizdiń elderimizdiń tarıhyndaǵy mańyzdy tulǵa, sondyqtan Mysyr tarapyna barshamyz úshin mańyzdy mádenı murany saqtaý máselesindegi seriktestigi úshin alǵys aıtqym keledi", - dedi mádenıet jáne sport mınıstri Asqat Oralov.
Sondaı-aq, qazaq jáne arab tilderinde memorıaldyq taqtalardyń ashylýy ótti, odan keıin qonaqtar meshitke baryp, nysandy aralady.
"İs-shara Beıbarys sultannyń 800 jyldyǵyn merekeleý baǵdarlamasyna kiredi. Barlyǵy 300-den astam is-shara josparlanǵan. Bul ǵylymı-praktıkalyq konferensıalar, dóńgelek ústelder, spektáklder jáne taǵy basqalar. Mysaly, aqpan aıynda Astana kósheleriniń birine tarıhı tulǵanyń esimi berildi, al L.Gýmılev atyndaǵy EUÝ-da halyqaralyq ǵylymı-praktıkalyq konferensıa ótti. Mamyr aıynyń ortasynda Mahambet atyndaǵy Atyraý oblystyq akademıalyq qazaq drama teatry Astanada "Beıbarys" qoıylymyn usyndy", - dedi mınıstr.