Almatyda oryn alǵan terrorlyq árketterge aqyn Júrsin Erman óz pikirin bildirdi, dep habarlaıdy Almaty-akshamy.kz
Búgingi elde bolyp jatqan jantúrshigerlik oqıǵalar halqymyzdyń tynyshtyǵyn buzdy. Elimiz úshin qıyn-qystaý kezende judyryqtaı jumylyp, beıbit ómirimizdi qaıtarýǵa atsalysýymyz qajet. Memleket basshysy Qasym-Jomart Kemeluly Toqaev halqyna qamqorlyq jasap, bolashaǵymyzdy saqtap qalýǵa barlyq kúshin jumsap jatyr.
Q.K.Toqaevtyń taǵdyrsheshti sheshimi - eldiń jarqyn bolashaǵynyń kepili bolǵany aqıqat. Memleketimizdiń tutastyǵyna qaýip tóndirgen ekstremıstermen kúres qazirgi kúni áli de qarqyndy júrip jatyr. Bul jolda barlyǵymyz el Prezıdentiniń tarapynan qabyldanyp jatqan sharalar men sheshimderge túsinistikpen qarap, bir jaǵadan bas, bir jeńnen qol shyǵarýymyz kerek.
Beıbit ómir men jarqyn bolashaǵymyz qazir bizdiń qolymyzda. "Jumyla kótergen júk jeńil" demekshi, barlyǵymyz judyryqtaı jumylyp, qıynshylyqtarǵa tótep bereıik. Jaqyndarymyz aman bolsyn!
Qıyn-qystaý zamanda elin, jerin, týǵanyn jaýdan qorǵaǵan ardaqty azamattarymyzdy halyq maqtan etip, izgi alǵysyn bildiredi. Áskerı qyzmetshiler azamattardy qorǵaý boıynsha tikeleı mindetterin oryndaǵan kezde sabyrlyq tanytýlaryńyzdy suraımyn! Kúshimiz - birlikte!
Birlesip, biz barlyq qıynshylyqtardy jeńemiz! Beıbitshilik pen kelisimde "qoı ústinde boztorǵaı jumyrtqalaǵan zaman" ornasyn!