Bulǵaq sport basqarmasynyń basshysyn da aınalyp ótpedi
Almatyda jappaı tártipsizdik kezinde Almaty qalasynyń sport basqarmasynyń basshysy Rústem Baıseıtov atys qarýynan jaraqat aldy, dep habarlaıdy Almaty-akshamy.kz QazAqparatqa silteme jasap
Sport basqarmasynyń basshysyna qalalyq ákimdiktiń kortejinde bara jatqanda oq tıgen.
«Oǵan der kezinde medısınalyq kómek kórsetilip, ol qalalyq aýrýhanalardyń birine jatqyzyldy. Qazirgi ýaqytta onyń ómiri men densaýlyǵyna eshqandaı qaýip tónip turǵan joq», - dep málimdedi qalalyq sport basqarmasynda.
Eske salsaq, Almaty ákimi Baqytjan Saǵyntaev otyrǵan kólikke oq atylǵan bolatyn. Bul aqparatty qala ákiminiń orynbasary Erjan Babaqumarov rastady.
Oqıǵa 6 qańtar kúni bolǵan. Qazir Baqytjan Saǵyntaev aman-esen, óz qyzmetin atqarýda. Qalada terorızmge qarsy sharalar jalǵasýda.