Oblysta stýdenttik qurylys otrádtarynyń jumysy qaıta jandandy.
Almaty oblysyndaǵy «Jasyl el» jastar eńbek jasaqtary 944 jasty jumyspen qamtydy, dep habarlaıdy Almaty-akshamy.kz.
«Oblystyq jastar saıasaty máseleleri jónindegi basqarmanyń málimetine qaraǵanda, «Jasyl el» quramynda JOO-nyń 217 stýdenti, kásiptik tehnıkalyq bilim berý ortalyqtarynyń 304 stýdenti, 245 mektep oqýshysy, 178 jumyssyz jas bar. 2021 jyly shtab jumysyna búdjetten 151,6 mln teńgege jýyq qarjy bólingen»,– delingen Almaty oblysy ákiminiń baspasóz qyzmetiniń habarlamasynda.
Resmı málimet boıynsha, ótken bir aı ishinde oblys boıynsha jastar «Jasyl baq – taza qala», «Taza ózen – taza jaǵalaý», «Jaıqalsyn jas terek», «Ekodesant» aksıalaryn ótkizip, ekologıalyq tazartý sharalaryn atqarsa, «Armysyń, Ardager», «Úlkenge qurmet – kishige mindet» atty qamqorlyq aksıalary kezinde qarttarǵa jádem kórsetken.
Jalpy, shilde aıynda jastardyń qatysýymen oblys boıynsha 156 km aryq tazartylyp, 301 ga jerdiń shóbi shabylǵan, 176 ga jer qoqystan tazartylǵan. Sonymen birge stýdenttik qurylys jasaqtarynyń qyzmeti qaıta jandana bastaǵan.
Búgingi kúni oblys kólemindegi qurylys jumystarynda osyndaı otrádtar quramynda 211 jas jumys istep júr.