Kýálik tabystaý rásimi ótti.
Respýblıka kúnine oraı «Alatay Aqparat» medıaholdıngi quramyndaǵy «Almaty aqshamy» jáne «Vechernıı Almaty» gazetteri men saıttarynyń jýrnalıseri Qazaqstan Respýblıkasy Jýrnalıser odaǵyna múshelikke ótti, dep habarlaıdy Almaty-akshamy.kz
Saltanatty sharaǵa Qazaqstan Jýrnalıser odaǵynyń tóraǵasy, jýrnalısıka salasynyń metri, qoǵam qaıratkeri Seıitqazy Mataev qatysty. Odaq tóraǵasy tarapynan jas tilshiler men burynnan baspasóz salasynda qyzmet etip júrgen mamandarǵa kýálik tabystaý rásimi ótti.
Jıynǵa «Alatay Aqparat» medıaholdınginiń Bas dırektory Tólemis Kúlmuhamedov, «Almaty aqshamy» gazetiniń Bas redaktory Tórehan Danıar, «Vechernıı Almaty» gazetiniń Bas redaktory Evgenıı Rahımjanov pen ujym músheleri qatysty. Jıyn barysynda jýrnalıs halyq pen bılik arasyndaǵy altyn kópir ekendigi, elimizdegi qozǵaýshy kúsh ári «tórtinshi bılikke» aınalyp kele jatqandyǵy aıtyldy. Múshelikke ótken jandardyń kásibı sheberligi árdaıym joǵary bolýy kerektigi jóninde izgi tilekter aıtyldy.
Sonymen birge, jıyn barysynda 60 jasqa tolýyna oraı «Almaty aqshamy» gazetiniń Bas redaktory Tórehan Danıarǵa Almaty qalasy ákiminiń Quttyqtaý haty tabystaldy. Sondaı-aq, «Vechernıı Almaty» gazetiniń tilshisi Aqerke Myrzaǵalıevaǵa Almaty qalasy ákiminiń orynbasary Arman Qyryqbaevtyń Alǵys haty berildi.