Almatynyń beınesi – bul qala adamdar úshin, turaqty ósip kele jatqan ekonomıkasy, qolaıly ortasy bar, álemniń túkpir-túkpirinen talanttardy, tehnologıalar men ınvestısıalardy tartatyn úılesimdi megapolıs.
Damý baǵdarlamasyn ázirleý jáne ony ıdeıalyq tolyqtyrý úshin qala ómiriniń túrli salalarynda 36 sarapshy jumyldyryldy, dep habarlaıdy Almaty-akshamy.kz.
Damý josparyn qoǵamdyq talqylaý barysynda 392 qala turǵynynan Almaty qalasyn damytý boıynsha 1 280 túsinikteme men usynystar alyndy, olardyń negizgi úlesi qalalyq ortaǵa, ekologıaǵa, qaýipsizdikke qatysty boldy.
Álemdik tájirıbe kórsetip otyrǵandaı, iri megapolıster aýdandardyń ózin-ózi qamtamasyz etý jáne baılanys qaǵıdattaryna negizdelgen damýdyń polısentrlik modelin paıdalanady.
Búginde Almatyda damýdyń monosentrıstik modeli qalyptasty. Jumys ortalyǵynda da, áleýmettik-mádenı ortalyqta da joǵary tyǵyzdyqqa ıe bolý boljamy bar. Bul qoǵamdyq kóliktiń shamadan tys júktelýin týdyrady, kóshi-qondy arttyrady jáne qalanyń basqa aýdandarynyń damýyn tejeıdi.