Almaty qalasynyń Strategıa jáne búdjet basqarmasynyń basshysy Almas Batanov dóńgelek ústel barysynda qalany damytýdyń 2020-2024 jyldarǵa arnalǵan keshendi josparynyń qalaı iske asyrylyp jatqany týraly aıtyp berdi dep habarlaıdy almaty-akshamy.kz
Dóńgelek ústelge qatysýshylar «Jańa Almaty» baǵdarlamasynyń ózi qalany polısentrli úlgi boıynsha damytýǵa baǵyttalǵanyn atap ótti. Maqsat – ómir súrý úshin qolaıly jaǵdaı jasaý, qala turǵyndarynyń belsendi demalysy úshin jańa qoǵamdyq keńistik qalyptastyrý.
Almas Batanov «Jańa Almatynyń» ne úshin jasalǵanyn aıtty. Onyń aıtýynsha, bul joba qalaǵa jańadan qosylǵan aýmaqtardaǵy problemalyq máselelerdi sheshetin boldy.
«Almaty ákimi Baqytjan Saǵyntaev ınfraqurylymdaǵy keleńsizdikterdi ózi jeke bilý úshin qala shetindegi turǵyndarmen jıi kezdesip júrdi. Mysaly, 105 myńnan astam turǵyny bar Naýryzbaı, Alataý, Medeý, Túrksib, Bostandyq jáne Jetisý aýdandarynyń 23 shaǵyn aýdanynda ortalyq sýmen jabdyqtaý jáne sý burý bolǵan joq. Baǵdarlamanyń arqasynda 15 shaǵyn aýdanda jeli qurylysy bastaldy. Olardyń qurylysy aıaqtalǵannan keıin 71 myńnan astam turǵyn komýnıkasıalarmen qamtamasyz etiledi», - dedi Almas Batanov.
Burynnan bar problemalar – jaryqtyń bolmaýy, nashar joldar, tozǵan ınjenerlik jeliler. Birqatar aýdandar, olardyń ishinde Túrksib, Jetisý, Áýezov aýdandary turǵyn úı men mektepterdiń tapshylyǵyn sezindi.
«Biz aýmaqtardyń qosylýy barysynda sýbýrbanızasıanyń qalyptasqanyn, ıaǵnı qala kólemi artyp, ınfraqurylym shyǵyndarynyń óskenin kórdik. Qol jetimdi jaıly turǵyn úı jetispedi, al qalanyń ózi eleýli kóshi-qon júktemesin bastan ótkerdi», - dep bólisti Almas Batanov.
Máselen, 2012 jyldan bastap qala halqy 30%-ǵa ósti. Halyq ósiminiń aǵymdaǵy qarqyny saqtalǵan jaǵdaıda 2030 jylǵa qaraı almatylyqtardyń sany 3 mln adamǵa jetýi múmkin. Negizgi qonystaný qalanyń shetinde bolady dep kútilýde.
Ótken jyldary jınaqtalǵan problemalardy sheshý úshin «Jańa Almatyny» damytýdyń keshendi jospary ázirlendi. 2019 jyldyń qazan aıynda ony el Prezıdenti qoldady, ol megapolısti «shetsiz qala» qaǵıdatyna sáıkes damytýdy tapsyrdy.
«Biz turatyn aýdandarǵa qaramastan, halyqqa ómirdiń joǵary standarttaryn,jaqsy joldardy, jaryqty, taza sýdy, gazdy, ortalyqtanǵan káriz jelisin usynǵymyz keledi», - dep jalǵastyrdy sózin A. Batanov.
«Jańa Almaty» DKJ aıasynda 428 joba júzege asyrylýda. Onyń 69-y 2020 jyly iske asyrylǵan. Aǵymdaǵy jyly 286 joba iske asyrylý satysynda, taǵy 73 joba kelesi jyldary iske asyrylatyn bolady.
A. Batanov Jańa Almatynyń josparly, údemeli, tıimdi damıtynyn atap ótti. Turǵyndar jańa shaǵyn aýdandar baspana satyp alyp, jumysqa ornalasýda, bilim alýda jáne oıdaǵydaı tynyǵýda. Demek, Jańa Almatynyń bolashaǵy zor.