Indonezıada joıqyn jer silkinisteri - jıi qubylys.
Indonezıanyń Iava aralyndaǵy qatty jer silkinisinen zardap shekkenderdiń sany 162-ge jetti, dep habarlaıdy Almaty-akshamy.kz Inbusiness.kz silteme jasap.
Batys Iava gýbernatory Rıdvan Kamıldiń aıtýynsha, qaza tapqandardyń kópshiligi - mektep oqýshylary. Al, úıleri jer silkinisinen qatty zaqymdanǵan 13 myńnan astam turǵyn evakýasıalyq ortalyqtarǵa jetkizilgen.
5,6 baldyq jer silkinisi dúısenbi kúni tústen keıin Indonezıanyń Iava aralynda boldy. Indonezıanyń Meteorologıa, klımatologıa jáne geofızıka agenttigi kem degende 25 dúmpý tirkedi. Tabıǵı apattyń oshaǵy shamamen 175 myń halqy bar Chıandjýr qalasynyń mańynda boldy.
Indonezıada joıqyn jer silkinisteri - jıi qubylys. Mysaly, aqpan aıynda Batys Sýmatra provınsıasyndaǵy 6,2 baldyq jer silkinisi saldarynan kem degende 25 adam qaza taýyp, 460-tan astamy jaraqat aldy. 2021 jyldyń qańtarynda Batys Sýlavesı provınsıasynda 6,2 baldyq jer silkinisi 100-den astam adamnyń ómirin qıdy jáne 6,5 myńǵa jýyq adam jaraqat aldy.
2004 jyly Úndi muhıtyndaǵy qatty jer silkinisi men sýnamı birqatar elderde 230 myńǵa jýyq adamnyń ólimine ákeldi, olardyń kópshiligi - Indonezıa turǵyndary.