Mońǵolıada revaksınasıa júrgiziledi
Germanıa Federaldy Respýblıkasynda halyqtyń 70% vırýsqa qarsy egildi, biraq koronavırýstyń taralýy jalǵasýda, dep habarlaıdy Almaty-akshamy.kz COVID-19 taralýyna jol bermeý jónindegi VAK-qa silteme jasap.
23 qazanǵa qaraı SARS-CoV-2 ınfeksıasynyń aptalyq kórsetkishi rekordtyq deńgeıge jetti-Robert Koh ınstıtýty 100 000 adamǵa 100 jaǵdaı oryn alǵandyǵyn jetkizdi.
Bir apta buryn bul kórsetkish 100 000 turǵynǵa shaqqanda 67,7 jaǵdaıdy qurady. Búgingi tańda Germanıada halyqtyń 66% - y tolyǵymen egildi, bul shamamen 55 mıllıon adam. Vaksınanyń bir dozasyn alǵandar sany - 57,5 mln.
Al, Mońǵolıada revaksınasıa júrgiziledi. El bıligi COVID-19 vaksınasynyń údetkish dozasynyń tıimdiligi týraly málimdedi.
«Eger halyqtyń 30%-dan astamy vaksınanyń úshinshi dozasyn alsa, jańa KVI jaǵdaılarynyń sanyn azaıtýǵa bolady», - dep málimdedi Mońǵolıa Densaýlyq saqtaý mınıstrligi.
Zertteý nátıjeleri boıynsha býsterlik dozany engizgennen keıin 14 kún ótken soń antıdeneler deńgeıi kúrt artady jáne vaksınanyń úshinshi dozasy «delta» nusqasynan qorǵaýdyń tıimdiligin arttyrady.
Revaksınasıa elde 25 tamyzda bastaldy, eń aldymen medısına qyzmetkerleri men qart adamdar údetkish dozany aldy. 13 qyrkúıekten bastap 18 jastan asqan barlyq azamattar vaksınasıalanady. Búgingi kúnge deıin 380 330 adam údetkish dozany aldy.