Marqum snarádty bolgarkamen kesken
Reseıdiń Saratov qalasynyń tergeý organdary snarád jarylysynan mert bolǵan er adamǵa qatysty tekserý júrgizip jatyr, dep habarlaıdy Almaty-akshamy.kz «QazAqparat» agenttigine silteme jasap.
O dúnıelik bolǵan adam Saratovtaǵy úıiniń aýlasynda snarádty temir keskish quralmen kespek bolǵan
«56 jastaǵy er adamnyń mert bolýyna baılanysty tergeýge deıingi tekserý uıymdastyryldy. Aldyn ala málimet boıynsha, 23 qazan kúni kúndiz 56 jastaǵy er adam óziniń úıiniń aýlasynda temir kesetin quraldyń (bolgarka) kómegimen snarádty kespek bolǵan. Sol sátta snarád jarylǵan. Oqıǵa ornyna shuǵyl jetken tótenshe jaǵdaılar men jedel járdem qyzmetiniń mamandary qansha jantalasqanymen er adamdy aman alyp qala almady»,-delingen Tergeý komıtetiniń baspasóz qyzmeti taratqan habarlamada.
Er adamnyń oqıǵa ornynda mert bolǵany aıtyldy. Oqıǵanyń qalǵan mán-jaıy áli naqtylanyp jatyr. Sot-medısınalyq jáne jarylys-tehnıkalyq saraptaý taǵaıyndaldy.