Gennadıı Golovkın men Saýl Alvarestiń aldyńǵy eki jekpe-jegi 2017 jáne 2018 jyldary ótken bolatyn
GGG men Kanelo arasyndaǵy jekpe-jek 17 qyrkúıekke josparlanǵan. Biraq aıtýly aıqas qaıda ótetini áli belgisiz, dep habarlaıdy Almaty-akshamy.kz Zakon.kz-ke silteme jasap.
Birer kún buryn meksıkalyq boksshy baspasóz máslıhatyn ótkizip, aldaǵy jekpe-jek jaıynan málimetpen bólisken bolatyn. Ol baspasóz máslıhatynda qyrkúıekte Golovkınmen judyryq túıistiretinin naqtylady.
Aıta ketelik, Gennadıı Golovkın men Saýl Alvarestiń aldyńǵy eki jekpe-jegi 2017 jáne 2018 jyldary ótken bolatyn. Birinshi kezdesý daý-damaımen aıaqtaldy, al 12 aıdan keıin bolǵan ekinshi jekpe-jekte meksıkalyq tóreshilerdiń bergen basym daýysymen jeńimpaz dep tanyldy.
8 mamyrda Kanelo reseılik boksshy Dmıtrıı Bıvoldan sensasıalyq túrde jeńilip qaldy. Jekpe-jekten keıin Bıvol revansh ótkizýge ýáde berdi. Osylaısha, Golovkın – Alvarestiń kópten kútken jekpe-jegine ózgeris ený yqtımaldylyǵy joǵarylady.