Qaýipsizdik sharalaryn saqtaı otyryp, jarý isi júrgizildi
№2 orta mekteptiń meńgerýshisi polısıaǵa habarlasyp, qoımadan qoldan jasalǵan jarylǵysh qurylǵyǵa uqsas zat tabylǵany týraly aıtqan, dep habarlaıdy Almaty-akshamy.kz Zakon.kz-ke silteme jasap.
Polısıa qyzmetkerleri aýmaqty qorshaýǵa alyp, barlyǵyn oqý ornynan evakýasıalady. Oqıǵa ornynan olar symdary bar qańyltyr ydysty tapty.
«Qarýmen shuǵyldanatyn tehnık-mamandar tabylǵan qurylǵyny zerttedi. Azamattardyń qaýipsizdigi maqsatynda, qoldanystaǵy is-qımyl algorıtmine sáıkes, ony sol jerde joıý týraly sheshim qabyldandy. Osyǵan baılanysty qajetti qaýipsizdik sharalaryn saqtaı otyryp, jarý isi júrgizildi»,-dedi Aqmola oblysy PD baspasóz qyzmeti.
Oqıǵa ornynda oblystyq polısıa departamentiniń jedel-tergeý toby men jarýmen shuǵyldanatyn tehnık-mamandar jumys istedi.
Azamattardan úreılenbeýdi jáne tek resmı aqparat kózderinen alynǵan derekterge senýdi suraımyz, - dedi polıseıler qala turǵyndaryna.