FIFA basshysy Qazaqstan kelýge daıyn
FIFA-nyń Parıjdegi eýropalyq keńsesinde FIFA prezıdenti Djannı Infantıno men QFF basshysy Ádilet Barmenqulov arasynda kezdesý ótti, dep habarlady Almaty-akshamy.kz.
Kezdesýde qazaqstandyq delegasıa elimizdegi buqaralyq fýtboldy damytý jobasyn usyndy. Jobada fýtboldy nasıhattaý, daıyndyq jáne jarys júıeleri, sonymen qatar fýtbol ınfraqurylymyn jaqsartý máseleleri de qamtylǵan.
Djannı Infantıno sol jobalardy júzege asyrý úshin Qazaqstan fýtbol federasıasyna jan-jaqty qoldaý kórsetýge daıyn ekenin atap ótti. Sonymen qatar qazaqstandyq fýtbol mamandaryna arnalǵan bilim berý prosesin uıymdastyrýda FIFA-nyń tehnıkalyq komandasy kómek kórsetetinin jetkizdi.
Taraptar FIFA men QFF yntymaqtastyǵy aıasynda Qazaqstan aýmaǵynda FIFA is-sharalaryn ótkizý, sonymen qatar Ortalyq Azıa fýtbol qaýymdastyqtarynyń ózara qarym-qatynasyn jaqsartý suraqtaryn talqylady.
Osy suraqtardy ári qaraı talqylaý maqsatynda FIFA basshysy Qazaqstan kelýge daıyn.