Qubyrdyń qurylysy shamamen 2,5 mıllıard eýrony quraıdy
Alıkantada ótip jatqan Eýropa-Jerorta teńizi samıtinde sýasty sýtekti qubyr jelisiniń qurylysyna qatysty másele kóterildi, dep habarlaıdy Almaty-akshamy.kz QazAqparatqa silteme jasap.
Forýmda Ispanıa, Fransıa jáne Portýgalıa basshylary Eýrokomıssıa qoldap otyrǵan H2Med jobasynyń sońǵy suraqtaryn talqylady, dem málimdedi Euronews.
Ispanıa Premer-Mınıstri Pedro Sanches jospar týraly aıtyp berdi:
«Onjyldyqtyń sońynda iske qosylatyn H2MED Eýrokomıssıa basshysy atap ótkendeı, Eýropanyń sýtekke degen suranysynyń 10%-yn qamtamasyz etedi. Sý qubyrymen jylyna 2 mln tonna sýtek jetkiziledi».
Qazanda Ispanıa, Fransıa jáne Portýgalıa Pıreneı arqyly ótetin Midcat gaz qubyry jobasyn jańa energetıkalyq dálizge aýystyrý týraly kelisimge keldi. Bul sýtekti Ispanıadan Fransıaǵa tasymaldaýǵa múmkindik beredi.
Qubyrdyń qurylysy shamamen 2,5 mıllıard eýrony quraıdy.