Kezdesý elorda ýaqytymen 1.00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi
Qatarda ótip jatqan fýtboldan 2022 jylǵy álem chempıonatynda búgin, 10 jeltoqsanda, jartylaı fınalǵa beriletin tórtinshi joldamany Anglıa men Fransıa sarapqa salady, dep habarlaıdy Almaty-akshamy.kz QazAqparatqa silteme jasap.
Kezdesý elorda ýaqytymen 1.00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.
Oıyn El-Haýr qalasyndaǵy 68 myń jankúıerge arnalǵan «El-Baıt» stadıonynda ótkiziledi.
Bas tóreshi - brazılıalyq Vılton Sampaıo. Oǵan otandastary Brýno Boshılıa men Brýno Pıres kómekshilik jasaıdy. Qosalqy tóreshi - Birikken Arab Ámirliginen Mohammed Abdýlla Hasan.
FIFA reıtıńinde Anglıa 5-shi, Fransıa 4-shi orynda tur.
Eki qurama buǵan deıin 31 márte kezdesti. Onyń 17-de aǵylshyndar, 9-da fransýzdar basym tússe, qalǵan oıyndar teń nátıjemen aıaqtaldy.
Toptyq kezeńde V tobynda synǵa túsken Anglıa quramasy Irandy 6:2, Ýelsti 3:0 esebimen jeńip, AQSH-pen 0:0 esebimen teń oınady. 1/8 fınalda Senegaldy 3:0 esebimen orta jolda qaldyrdy.
Al D tobynda Fransıa Avstralıany 4:1, Danıany 2:1 esebimen jeńip, Týnıske 0:1 esebimen jol berdi. Al 1/8 fınalda Polshany 3:1 esebimen qapy qaldyrdy.
Álem chempıonatyna Anglıa on altynshy márte qatysyp otyr. Buǵan deıin 1966 jyly chempıon ataǵyn jeńip aldy.
Fransıa quramasy on besinshi márte qatysyp otyr. 1998, 2018 jyldarda chempıon atandy.
Aıta ketsek, elorda ýaqytymen 21.00-de Marokko men Portýgalıa kezdesýi «Qazaqstan» jáne «Qazsport» telearnalarynan tikeleı efırde kórsetiledi.
Eske salsaq, Horvatıa Brazılıany jeńip, jartylaı fınalǵa joldama aldy.
Sondaı-aq, Nıderland quramasyn jeńgen Argentına jartylaı fınalǵa shyqty.