İİM mınıstriniń aıtýynsha, jastar quqyqtyq saýatsyzdyqtan qylmysqa urynady eken.
Qazaqstanda esirtki jasyrýshylardyń jazasyn jeńildetý qarastyrylyp jatyr, dep habarlaıdy Almaty-akshamy.kz
Májilistegi Úkimet saǵatynda İİM basshysy Erjan Sádenov esirtki jasyrýshylar úshin jazany jeńildetý jospary týraly aıtty.
Erjan Sádenovtyń aıtýynsha, jastar ońaı aqsha tabamyn dep, quqyqtyq saýatynyń bolmaýynan osy qylmysqa tap bolyp jatyr. Kúni búginge deıin esirtki jasyrýmen aınalysqan alty kámeletke tolmaǵan jasóspirim sottalyp, taǵy 26-sy qylmystyq jaýapkershilikke tartylǵan.
"Esirtki jasyrýmen aınalysqan jasóspirimderdiń jazasyn jeńildetý máselesi qarastyrylyp jatyr. Eger qylmys alǵash ret jasalsa jáne tergeý kezinde esirtkimen aınalysatyn naǵyz kinálilerdi tabýǵa kómektesse jazasy jeńildeýi múmkin. Esirtki zerthanalaryn uıymdastyrýǵa jaýapkershilikti kúsheıtý boıynsha túzetýler ázirlendi. Qazir esirtki zerthanalaryn uıymdastyrǵandar men satýmen aınalysqan adamdar toby asa iri kólemdegi esirtki úshin 10 jyldan 15 jylǵa deıingi jaza qoldanylady. Endi dál osy qylmys úshin aıypty Qylmystyq Kodekstiń 297-baby 4-bóligimen 15 jyldan 20 jylǵa deıin nemese ómir boıyna bas bostandyǵynan aıyrylady", - dedi mınıstr Sádenov.