«Qaýipsiz el» ulttyq jobasy Qarýly Kúshterdiń qurylymyn jetildirýge baǵyttalǵan
Bul týraly «Qorǵanys kúshterin reformalaý jáne jaýyngerlik qabiletin arttyrý sheńberindegi sharalar» atty Ortalyq komýnıkasıalar qyzmetinde ótken bırıfıngte Qorǵanys mınıstriniń orynbasary general-leıtenant Sultan Qamaletdınov málimdedi, dep habarlaıdy almaty-akshamy.kz inbusiness.kz silteme jasap.
Onyń aıtýynsha, elimizde jańa memlekettik josparlaý júıesine sáıkes áskerı qaýipsizdik salasyndaǵy qujattar qaıta ázirlendi. Qazirgi zamanǵy syn-qaterge sáıkes Áskerı doktrına qaıta ázirlendi.
«Qaýipsiz el» ulttyq jobasy ázirlendi. Osy joba sheńberinde qarý-jaraqtyń elimizde shyǵarylǵan úlgisin daıyndaý, oq-dári qoımasyn salý, qoldanystaǵy saqtaý obektisin jetildirý kózdelgen», dedi Sultan Qamaletdınov.
Qazir elimizdiń qorǵanys salasy ozyq qarýmen, basqarý júıesimen jabdyqtalǵan tehnologıalyq mobıldi armıa qurýdy josparlap otyr. Sonymen qatar, qorǵanys ónerkásibin damytý, áskerı bilim men ǵylymdy jetildirý, áskerı qyzmet bedelin arttyrý, jastarǵa áskerı patrıottyq tárbıe berý mindeti aıqyndalǵan.