Qymyz ımýnıtetti nyǵaıtady
Pandemıadan keıingi kezeńde saýyqtyrý týrızmine suranys joǵary. Túrkistan oblysynyń sharýalary qymyzben emdeý ortalyqtaryn ashýdy qolǵa alǵan, dep habarlaıdy Almaty-akshamy.kz.
Búginde Dıhankól eldi mekeni sapaly emdik sýsynymen tanymal. Týrıser mundaǵy qymyz óndirýdiń ózindik qupıalary bar ekenine senimdi. Fermerlerdiń ózderi ulttyq sýsynnyń artyqshylyǵyn jylqynyń taý etegindegi emdik shópke jaıylýymen baılanystyrady. Kún saıyn jergilikti turǵyndar 3 000 tonnaǵa deıin qymyz satady.
«Elimizde mundaı úlken kólemde qymyz óndirisimen aınalysatyn aýyldar kemde-kem. Aýylymyzdyń 80% osy qymyz óndirisimen aınalysady desem, qatelespeıtin shyǵarmyn. Halyq tabıǵı ónimdermen emdelýge den qoıýda. Aýyldyń kásip jasaımyn degen azamattary úı irgesinen osyndaı saýmalmen saýyqtyrý ortalyqtaryn ashyp jatyr», - deıdi Tóle bı aýdanynyń Qoǵaly aýyldyq okrýginiń ákimi Qaırat Qypshaqov.
Búginde jańa saýylǵan bıe súti, saýmal saýdasy qyzyp tur. Ony saýǵannan keıin birden ústelge qoıady. Saýmaldyń emdik qasıeti týraly túrli ańyzdar bar. Biraq dárigerler ulttyq sýsyndar saýmal men qymyzdy barlyq aýrýǵa qarsy em retinde emes, ımýnıtetti kóterý úshin qoldanýǵa keńes beredi.
«Negizgi em retinde qoldana almaımyz. Sebebi aýrý asqynyp turǵan kezde medısınalyq mekemege júginý kerek bolady. Al saýmal tek ári qaraı ımýnıtetti nyǵaıtý, qosymsha kúsh-qýat alý úshin qajet», - deıdi dáriger-kardıolog Janar Qantaeva.
Aıta ketý kerek, óńirde qymyzben emdeýden basqa ekotýrızmdi damytýǵa mán berilmek. Ol úshin arnaıy týrısik joryqtar uıymdastyrý josparlanǵan.