Ulttyq statısıka
Bir jylda (2022 jylǵy qazan 2021 jylǵy qazanǵa) páterlerdi qaıta satý baǵalary – 27,1%, jańa turǵyn úılerdi satý 16,6% ósti, dep habarlaıdy Almaty-akshamy.kz Almaty.tv-ge silteme jasap.
Ulttyq statısıka búrosynyń málimetinshe, abattandyrylǵan turǵyn úıdi jalǵa alý tólemi ótken jylǵy tıisti aımen salystyrǵanda 2022 jylǵy qazanda 54,2% artty.
Óńirler bólinisinde jańa salynǵan úıler jyldyq mánde Aqtóbe qalasynda 30,3%-ǵa, Óskemende 26,3%-ǵa, Qostanaıda 25,4%-ǵa qymbattady. Qoldanystaǵy páterler naryǵynda baǵa ósimi Taldyqorǵan (44,6%), Semeı (44%), Aqtaý (43,3%), Aqtóbe (42,4%) qalalarynda qatty baıqaldy. Al turǵyn úıdi jalǵa alý naryǵynda byltyrǵy qazanǵa qaraǵanda baǵa Almaty (89,7%), Qaraǵandy (64,2%), Qostanaı (58,5%) qalalarynda aıtarlyqtar kóterilgen.
Bir aıdyń ishinde (2022 jylǵy qyrkúıekke qaraǵanda 2022 jylǵy qazanda) qoldanystaǵy páter baǵalary –2,1%, jańa turǵyn úıdi satý 0,9% ósti. Abattandyrylǵan turǵyn úıdi jalǵa alý tólemi aldyńǵy aımen salystyrǵanda qazanda 5,6% joǵarylady.