Amerıkalyq tehnologıa
Prezıdent Atyraý oblysyna jumys sapary barysynda «Kazakhstan Petrochemical Industries Inc» JSHS-na qarasty biriktirilgen gaz-hımıa keshenin iske qosty, dep habarlaıdy Almaty-akshamy.kz Aqorda saıtyna silteme jasap.
Kezdesýde «Qazmunaıgaz» ulttyq kompanıasynyń basqarma tóraǵasy Maǵzum Myrzaǵalıev Memleket basshysyna gaz-hımıa kesheniniń damý perspektıvasy týraly baıandady. Jalpy, keshen qurylysyna 4300 adam jumysqa tartylǵan. Ol tolyq iske qosylǵanda 631 adam turaqty jumyspen qamtylady. «Teńiz» ken ornynda óndiriletin shıkizatty óńdeýge baǵyttalǵan kásiporyn jylyna 500 myń tonna polıpropılen shyǵara alady.
Bul álem boıynsha polıpropılen óndirisiniń 1 paıyzyn quraıdy. Óndiris oshaǵy elimizdiń polıpropılenge degen suranysyn ótep qana qoımaı, qurylys, medısına, avtomobıl qurastyrý, tamaq ónerkásibi sekildi salalarda polıpropılennen túrli buıym shyǵaratyn shaǵyn jáne orta bıznestiń damýyna yqpal etedi.
Kásiporynda amerıkalyq «Lummus Technology Inc» kompanıasynyń Catofin jáne Novolen tehnologıalary paıdalanylady. Álemde mundaı keshen Saýd Arabıasy, AQSH, Belgıa, Ońtústik Koreıa jáne Qytaı sekildi 5 elde ǵana bar.