Memleket basshysynyń bıylǵy Joldaýynda: «Sharýalardyń qajetti janar-jaǵar maıdy qolaıly baǵamen alýyn qamtamasyz etý kerek. Aýylsharýashylyǵy tehnıkalarynyń daıyndyǵyn, tuqym men tyńaıtqysh qorlaryn qaıta teksergen jón. Birqatar óńirdegi jaýyn-shashynnyń azdyǵy eginniń shyǵymyn mandytpaı, jem-shóptiń jetispeýine ákep soqtyrýy múmkin ekenin umytpaıyq. Jalpy, fermerler qaýymdastyǵymen birlesip, agroónerkásip keshenin memlekettik qoldaý tásilderin qaıta qaraý kerek» degeni kóńilge qonymdy boldy.
Olaı deıtinim, keıingi jyldary aýyl sharýashylyǵy quldyraýǵa ketti. Onyń sebebi týra egin egetin jáne sol eńbekpen ekken egindi jınaıtyn ýaqytta janar-jaǵar maıdyń baǵasy sharyqtap tapshy bola qalatyny bar. Soǵan tosqaýyl qoıyp, qaıta janar-jaǵar maımen qamtamasyz etýimiz kerek dedi. Ol degenińiz, ózimizdiń jep otyrǵan nanymyz ben taǵamda kóp qoldanatyn jemis-jıdekter baǵasy turaqtaıdy degen sóz. Taǵy bir aıta ketetin nárse – qymbatshylyqty toqtatý.
Prezıdentimiz: «Tapshylyqtyń jáne azyq-túlik baǵasynyń jónsiz qymbattaýynyń aldyn-alý úshin aýyl sharýashylyǵy ónimderin memlekettik turaqty qorlarǵa forvardtyq baǵalarmen satyp alý máselesin pysyqtaý qajet. Almaǵaıyp ózgerister jaǵdaıynda memlekettik apparat ahýalǵa tez beıimdelip, barynsha úılesimdi áreket etýge tısi. Sheshimdi jaıbasarlyqpen qabyldaýǵa, sheneýniktik formalızmge jol berilmeıdi. Qazir tolyqtaı jumylýymyz qajet» dedi. Shynymen qymbatshylyqty toqtatyp, baǵany turaqtandyrsa, halyqtyń ál-aýqaty artady.