Reseılik egıptolog Orehov pıramıdany salý kezinde adamdar pandýstar men joǵary kóterilip otyratyn saldardy paıdalanǵanyn aıtty
Mysyrlyqtar 150 jyl boıy pıramıdany turǵyzdy, bul qurylymdar áleýmettik mańyzy bar jumystardy júzege asyrý úshin qoǵamdy toptastyrýdyń jarqyn mysaly bolyp tabylady. Bul týraly RǴA-nyń Egıptologıa zertteý ortalyǵynyń ǵylymı qyzmetkeri Roman Orehov lenta.ru saıtyna bergen suhbatynda aıtty, dep habarlaıdy Almaty-akshamy.kz.
Sonymen qatar ol osy kúnge deıin saqtalǵan eskertkishterdiń qandaı tásilmen jasalǵanyn aıtty. Ǵalymnyń aıtýynsha, mysyrlyqtar ózderiniń qurylys tehnologıasynda pandýstar men joǵary kóterilip otyratyn saldardy paıdalanǵan.
Máńgilik
Eń bastysy pıramıdalar osy kúnge deıin saqtalǵan, óıtkeni mysyrlyqtar «djed» - papırýs tárizdi baǵan uǵymyn máńgilik ıdeıa retinde qarady jáne ol tiginen turý kerek boldy. Ol Osırıs qudaıynyń sımvoly dep sanaldy ári turaqtylyqty, beriktik pen myzǵymas myqtylyqty bildirdi, deıdi ǵalym.
Orehovtyń aıtýynsha, mysyrlyqtar úshin kúshti jáne turaqty qurylymdy qurý mańyzdy boldy, óıtkeni monýmenttiń qalaı turatyny osy dúnıeniń qalaı saqtalatynyna baılanysty dep tanyldy.
Materıal
Mysyrlyqtar úshin qurylys konstrýksıalary úshin materıal tańdaý qıyn bolǵan joq, deıdi ǵalym.
«Mysyrlyq sana tas dáýirimen baılanysty. Al, tas dáýiri bir sheshimdi usynady – ol tastan salý. Tas tek turaqtylyq ıdeıasy ǵana emes, sonymen birge eń qoljetimdi boldy - mysyrlyqtar temirdi bilmedi jáne olardyń balshyqtary az boldy»,-deıdi ǵalym.