Sońǵy 25 jylda Qazaqstannan sheteldik ofshorlarǵa shamamen 140-160 mıllıard AQSH dollary shyǵarylǵan
Qarjylyq monıtorıń agenttiginiń tóraǵasy Janat Elımanov elden qolma-qol valútany zańsyz shyǵarýǵa qatysty pikir bildirdi, dep habarlaıdy Almaty-akshamy.kz QazAqparat-qa silteme jasap.
«Múddeli qyzmettermen birlesip qolma-qol valútany zańsyz áketýge baqylaý kúsheıtildi, 4,9 mln AQSH dollary somasyna 36 fakt anyqtaldy», - dedi J. Elımanov depýtatattyq saýalǵa jaýap bere otyryp.
Onyń aıtýynsha, kapıtaldyń elden áketilýi týraly máseleni qaraý kezinde kásipkerlerdiń ádettegi iskerlik belsendiligimen nemese eldegi ekonomıkalyq jaǵdaımen baılanysty kapıtaldyń áketilýin, sondaı-aq kóbinese qylmystyq qyzmetpen baılanysty kapıtaldyń zańsyz shyǵarylýyn ajyratý qajet.
«Qazirgi ýaqytta ofshorlardy ıelený qazaqstandyq zańnamaǵa qaıshy kelmeıdi. Syrtqy ekonomıkalyq qyzmet aıasynda elden tys jerlerge aqsha aýdarýdyń kóptegen zańdy negizderi bar, mysaly, rezıdent emes quryltaıshylarǵa dıvıdendter tóleý túrinde. Birqatar kásiporyndar óz qyzmetiniń sıpatyna qaraı sheteldik bankterge aqsha ornalastyrady», - dedi agenttik basshysy.
Buǵan deıin habarlanǵandaı, Janat Elımanov bıyl Qazaqstannan shetelge aýarylǵan qarajattyń somasy 30 paıyzǵa az bolǵanyn aıtty. Aıta keteıik, bıyl aqpan aıynyń basynda Májilis depýtattary qańtardaǵy qaıǵyly oqıǵalar kezinde Qazaqstannan shetelge qandaı kólemde qarjy shaǵarylǵanyn anyqtaý úshin saýal joldaǵan bolatyn. Bul depýtattyq saýalda sońǵy 25 jylda Qazaqstannan sheteldik ofshorlarǵa shamamen 140-160 mıllıard AQSH dollary shyǵarylǵany atap ótilgen.