Qalalyq memlekettik qurylymdardyń baspasóz qyzmetkerleri Almatyda bas qosty.
Tájirıbeli medıa-trenerler jeke tájirıbelerindegi keısterdi keltire otyryp, daǵdarystyq jaǵdaılardan qalaı shyǵý kerektigin aıtty. Baspasóz qyzmetiniń mamandary óz kezeginde PR jáne Digital salasyndaǵy sarapshylardan kásibı keri baılanys aldy.
Eki kúndik oqýdy Almaty qalasynyń Óńirlik komýnıkasıalar qyzmeti uıymdastyrdy.
Komýnıkasıalar boıynsha trenerler Aıbar Oljaev pen Gúlaıym Oralbaeva megapolıstiń baspasóz hatshylaryna, (olardyń kópshiligi burynǵy jýrnalıser) strategıalyq komýnıkasıa daǵdylaryn eske saldy.
Trenerlerdiń aıtýynsha, baspasóz hatshylarynyń kásibı ósýi memlekettik organdar jumysynyń ashyqtyǵy men jarıalylyǵyn arttyrýǵa yqpal etedi. Olar óz vedomstvolarynyń mysaldaryn negizge ala otyryp, daǵdarystyq jaǵdaılardan qalaı shyǵýǵa bolatynyn is júzinde kórsetti, durys strategıalyq josparlaý týraly aıtty.
Kópshilik kútken taqyryptardyń biri «Baspasóz hatshysy jáne daǵdarys» boldy. Bul blokty Aıbar Oljaev júrgizip, trenıńke kelýshilerdiń barlyǵy qyzyǵýshylyq pen belsendilik tanytyp, praktıkalyq tapsyrmalardy oryndaýǵa qatysyp, suraqtar qoıdy. PR qyzmetkerleri óz kezeginde, óz basqarmalary, komýnaldyq qyzmetterge qarsy aıtylatyn jaǵymsyz pikirlerdi qalaı azaıtýǵa bolatynyn úırendi.
Semınar tyńdaýshysy Baqytjan Amanbolqyzynyń aıtýynsha, trenerler BAQ-men jumys isteý, aımaqtyq komýnıkasıalardyń erekshelikteri, áleýmettik jelilerde jumys isteý, aqparatty jyljytýdy (taratý) avtomattandyrýǵa múmkindik beretin jeke tájirıbelerin ortaǵa sala otyryp, kóptegen jaıttyń qyr-syrymen bólisken.
«Mundaı trenıńter óte paıdaly dep esepteımin, óıtkeni qarym-qatynas ortasy únemi ózgerip otyrady, al alynǵan bilim osy ózgeristerge tez áreket etýge múmkindik beredi», - deıdi jas maman Baqytjan Amanbolqyzy.
Trenıńtiń taǵy bir qatysýshysy, Medeý aýdany ákimdiginiń baspasóz qyzmetkeri Janna Ánesova daǵdarysqa qarsy jospar qurý paıdaly dep sanaıdy.
«Medıa trener bólisken keısterdi is júzinde mindetti túrde qoldanamyn. Bul jaı trenıń emes, psıholog, jýrnalıs, strateg, qarjyger jáne daǵdarysqa qarsy menedjermen áńgime boldy», - dep bólisti J.Ánesova.
Trenıńke tájirıbeli pıarshylar keldi, olardyń arasynda baspasóz hatshysy Anar Tastanbekova da boldy.
«Spıker Aıbar Oljaev qazaqstandyq jáne sheteldik tájirıbeni salystyra otyryp, daǵdarys jaǵdaıynda qalaı áreket etý kerektigi týraly aýdıtorıanyń túıtkildi suraqtaryna jaýap berdi. Kórermender kóptegen mańyzdy jáne paıdaly aqparatty bildi dep oılaımyn, bul, árıne, bizdiń kúndelikti jumysymyzda bárimizge paıdaly bolady», - dedi ol.