Týnıste jasóspirimder arasynda ústel tenısinen álem chempıonatynda qazaqstandyq Alan Qurmanǵalıev aralas synda mysyrlyq Hana Godamen birge jeńimpaz atandy, dep habarlaıdy Almaty-akshamy.kz Inform.kz-ke silteme jasap.
Qazaqstan ústel tenısi federasıasynan málim etkenindeı, qazaqstandyq-mysyrlyq jup fınalda portýgalıalyq Tágo Abıodana – ıspanıalyq Marıa Berzosadan basym tústi.
«Bul – tarıhı jetistik! Alan Qurmanǵalıev álem chempıony atandy. Bul – qajyrly eńbek pen sportshynyń óz isine berilgeniniń jemisi. Alan jyl boıy úzbeı jattyǵyp, sheberligin jetildire otyryp, halyqaralyq jarystarda 19 medalǵa qol jetkizdi. Búgin Qazaqstan ústel tenısi tarıhynda alǵash ret álem chempıony atandy. Bul sport túrinen elimiz jańa halyqaralyq deńgeıge kóterildi. Bul bárimiz úshin asa mańyzdy. Chempıondy tárbıelegen bapker Elmıra Alıevaǵa alǵysymdy bildiremin. Alan men barlyq jankúıerlerdi quttyqtaımyn. Bizdiń sportshymyzben maqtanamyz!», dedi Qazaqstan ústel tenısi federasıasynyń prezıdenti Danıar Abýlǵazın.
E. Alıeva – Qazaqstan ústel tenısi quramasynyń bas bapkeri ári Alannyń jeke jattyqtyrýshysy. Ol Alandy jeti jasynan beri jattyqtyryp keledi.