Bul - «Aýyl» HDPP bastamasymen qolǵa alynyp otyr.
Ol úshin óńirde stýdenttik qurylys jasaqtary quryldy, dep habarlaıdy Almaty-akshamy.kz
Soltústik Qazaqstan oblysy, Petropavl qalasynda sý tasqynynan zardap shekkenderge salynyp jatqan baspanalar qurylysyna «Aýyl» jastary kómektesedi. 
El aýmaǵynda bolǵan sý tasqyny zardaptaryn joıý úshin Jastar stýdenttik qurylys jasaqtaryn qaıta jandandyryp, zardap shekkenderge naqty kómek kórsetý jaıynda «Aýyl» partıasy Tóraǵasy, QR Parlamenti Májilisi depýtaty Serik Egizbaev Úndeý jasaǵan bolatyn. Atalǵan úndeýge birinshi bolyp «Aýyl» partıasynyń Jastar qanaty ún qosty. Soltústik Qazaqstan oblysynda stýdent jastar otrádyn jasaqtaldy.
«Aýyl jastary» qurylys jasaǵynyń quramynda 40 jas bar. Taǵy 40 stýdent rezervte tur. Qazirgi ýaqytta Petropavl qalasynyń Solnechnyı-2 kentinde tasqynnan zardap shekkenderge arnalyp 500-den astam baspana salynyp jatyr. Jastar qurylys jasaǵy sol jerde sý shaıǵan úılerdi qalpyna keltirý jáne qurylys jumystaryna jumyldyrylady.
«Bul úlken qoǵamdyq áleýmettik mańyzy bar joba. Bir jaǵynan, jastar jasaǵy zardap shekken otandastarǵa sý tasqyny zardaptaryn joıýǵa kómektesse, ekinshi jaǵynan, stýdent jastardyń jazǵy demalys kezinde eńbekke aralasyp, tabys tabýyna múmkindik beredi. Basqa óńirlerde de jumysty jalǵastyramyz. Máselen Qaraǵandy jastary basqa oblystarǵa baryp, kómek kórsetýge daıyn ekendikterin jetkizdi», - deıdi Serik Egizbaev.