Álemdik reıtıńte 81- oryndy ıelendi.
TasteAtlas elektrondy ensıklopedıasy "Álemdegi eń úzdik 100 shujyq" reıtıńisin jasady, dep habarlaıdy Almaty-akshamy.kz
TasteAtlas – as ázirleýshilerge arnalǵan úlken resýrs. Munda ár túrli taǵamnyń reıtıńisi únemi jarıalanady. Máselen, "Álemdegi eń úzdik 100 shujyq" tiziminde jylqy etinen jasalǵan dástúrli qazaq shujyǵy 81-oryndy ıelendi. Reıtıńiniń joǵarǵy jaǵynda nemistiń Bockwurst sardelkalary, al odan tómen shvedtiń Prinskorv shujyǵy ornalasqan. Vınáısh qalasynda óndiriletin portýgaldyq "Alıera" shujyǵy kósh bastap tur.
Sıpattamada kórsetilgendeı reıtıń saıt paıdalanýshylarynyń baǵalaýy negizinde jasalǵan.
"Álemdegi eń úzdik 100 shujyq" tizimin jasaý úshin 2024 jyldyń 15 mamyryna deıin 7274 baǵa tirkeldi, onyń 5465-i júıe zańdy dep tanyldy", - delingen reıtıńtiń sıpattamasynda.
Qurastyrýshylar sonymen qatar jelidegi bottardy, sondaı-aq "ultshyl jáne jergilikti patrıottyq reıtıńilerdi" elekten ótkizetinderin atap ótedi.
"TasteAtlas" reıtıńin taǵamnyń sońǵy jahandyq qorytyndysy retinde qarastyrýǵa bolmaıdy. Olardyń maqsaty – keremet jergilikti taǵamdardy nasıhattaý, dástúrli taǵamdarǵa degen maqtanysh sezimin oıatý jáne siz áli dámin kórmegen taǵamdarǵa qyzyǵýshylyq týdyrý", - dep atap ótti avtorlar.
Qazaqstan TMD jáne Ortalyq Azıa elderi arasynda "Álemdegi eń úzdik 100 shujyq" tizimine engen jalǵyz el.