Qazaqstan fýtbol federasıasy (QFF) Stanıslav Cherchesovtyń ulttyq quramanyń bas bapkeri qyzmetinen ketýi múmkin degen aqparatqa qatysty túsinikteme berdi, dep habarlaıdy aqshamnews.kz
Buǵan deıin onyń otstavkaǵa ketetini týraly aqparat medıada, ásirese jýrnalıs Ermuhamed Máýlenniń tarapynan aıtylǵan bolatyn. Búgin QFF resmı málimdeme jasady: «Qazaqstan fýtbol quramasynyń bas bapkeri Stanıslav Cherchesovtyń otstavkaǵa ketetini týraly aqparat shyndyqqa janaspaıdy.
Cherchesov QFF-pen jasalǵan kelisimshart aıasynda bas bapker qyzmetin jalǵastyrýda». Osylaısha, bapkerdiń otstavkasy týraly taraǵan qaýesetter joqqa shyǵarylyp, Cherchesovtyń komandamen jumysyn jalǵastyratyny belgili boldy.