Memlekettik organdardyń qyzmetinde azamattardyń ótinishterin qaraý jumysy úlken mańyzǵa ıe, sebebi klıentke baǵdarlanǵan memlekettik apparatty qurý tek memlekettik qyzmetshiler azamattardyń problemalyq máselelerin muqıat qaraǵan, zańnama talaptaryn túsindirgen jáne buzýshylyqtardy joıýǵa kómektesken jaǵdaıda ǵana múmkin bolady.
Praktıkada áli de azamattardyń quqyqtary men múddeleri buzylatyn jaǵdaılar kezdesedi: memlekettik organdar ótinishterdi qaraý merzimin negizsiz buzady, memlekettik qyzmetterdi ýaqytynda kórsetpeıdi, negizsiz bas tartady, bul óz kezeginde halyqtan shaǵymdardyń túsýine ákeledi.
Aıta ketý kerek, Departamenttiń qyzmeti azamattardyń quqyqtaryn qalpyna keltirýge baǵyttalǵan jumysty sapaly uıymdastyrýǵa tolyqtaı arnalǵan. Osy maqsatta azamattarǵa óz suraýlary, ótinishteri men shaǵymdaryn joldaýǵa múmkindik beretin «Telegram» jelisinde arnaıy platforma quryldy.
2025 jyly «Telegram» júıesine 409 ótinish túsken, onyń ishinde 72 ótinish boıynsha máseleler oń sheshimin tapqan, al 337 ótinishke túsindirme sıpattaǵy jaýap berilgen.
Mysaly, Departament azamat R.-ǵa «Bastapqy medısınalyq-sanıtarlyq kómekti kórsetetin medısınalyq uıymǵa tirkelý» memlekettik qyzmetin alý kezinde quqyqtaryn qalpyna keltirýge kómek kórsetti. Atap aıtqanda, azamat óz turǵylyqty jerindegi polıklınıkaǵa tirkelý úshin ótinish bergen. Memlekettik qyzmet kórsetýdiń merzimi 1 jumys kúni bolǵanyna qaramastan, azamatqa bir apta kútýge týra kelgen.
Departamenttiń aralasýynan keıin polıklınıkadaǵy buzýshylyqtar joıylyp, azamatqa memlekettik qyzmet jedel kórsetildi.