QR Memlekettik qyzmet isteri agenttiginiń departamentine ýákiletti organnyń aýmaqtyq bólimshesi retinde memlekettik qyzmetshilerdiń memlekettik qyzmet týraly zańnama jáne qyzmettik ádep normalary talaptarynyń saqtalýyn baqylaý fýnksıalary júktelgen.
Sonymen qatar, Departamenttiń fýnksıalarynyń biri memlekettik qyzmetshilerdiń quqyqtaryn qorǵaý bolyp tabylady
Taldaý barysynda Departament Almaty qalasy ákimdiginiń qaýlysymen shtattyq sany 59 birlikti quraıtyn eki Basqarmany biriktirý jolymen jańa Basqarma qurylǵanyn anyqtady.
Memlekettik organdardy qaıta qurý kezinde jańa basqarmanyń 47 qyzmetkerine jalaqy tóleý merzimderin buzýǵa jol berildi, ıaǵnı qyrkúıek aıyndaǵy jalaqy 2025 jylǵy 22 qazanda tólendi, bul zańnamada belgilengen merzimnen 12 kúnge artyq.
"Qazaqstan Respýblıkasynyń memlekettik qyzmeti týraly" QR Zańynyń 9- baby 9 tarmaqshasyna sáıkes, memlekettik qyzmetshiniń ózi atqaratyn memlekettik laýazymyna, jumys sapasyna, tájirıbesine jáne osy Zańda belgilengen ózge de negizderge baılanysty yntalandyrýǵa jáne eńbekaqy tóleýge quqyǵy bar.
Sondaı-aq, QR Eńbek kodeksiniń 113-babynyń 1-tarmaǵyna sáıkes jalaqy belgilenip, kelesi aıdyń birinshi onkúndiginen keshiktirmeı, ıaǵnı kelesi aıdyń 10-kúninen keshiktirmeı aıyna bir retten QR ulttyq valútasynda aqshalaı nysanda tólenedi.
Sonymen qatar, QR Eńbek kodeksiniń 113-babynyń 4-tarmaǵyna sáıkes jalaqy tóleý merzimderi buzylǵan jaǵdaıda, jumys berýshi qyzmetkerge QR Ulttyq Bankiniń bazalyq mólsherlemesiniń 1,25 eselengen mólsherinde tólemdi keshiktirý kezeńi úshin bereshek pen ósimpul tóleıdi.
Taldaý qorytyndysy boıynsha Basqarmaǵa tólemdi keshiktirý kezeńinde ósimpul tóleý jáne budan ári mundaı buzýshylyqtarǵa jol bermeý arqyly memlekettik qyzmetshilerdiń quqyqtaryn qalpyna keltirý qajettiligi týraly usynys jiberildi.
Departamenttiń usynymyn oryndaý maqsatynda jańa Basqarmanyń 47 qyzmetkerine jalaqy boıynsha bereshek tólendi, osyǵan baılanysty memlekettik qyzmetshilerdiń quqyqtary qalpyna keltirildi.
Joǵaryda aıtylǵandardyń negizinde azamattar Memlekettik qyzmet isteri agenttigine jáne onyń aýmaqtyq departamentterine júgine alatynyn habarlaımyz.