Injenerlik jelilerdiń joǵary deńgeıde tozýy aýdandaǵy negizgi máseleniń biri, ol 55%-dan asady.
Bul týraly qala ákimi Erbolat Dosaev Bostandyq aýdanynyń turǵyndarymen kezdesýde málimdedi, dep habarlaıdy Almaty-akshany.kz.
Jyl basynan beri ınjenerlik jelilerde 671 apat boldy.
"Orbıta", "Almagúl" shaǵynaýdandarynda, Jarokov – Sátbaev – Nazarbaev – ál-Farabı, Rozybakıev – Myńbaev – Tilendıev - Tımırázev kósheleriniń bóliginde jáne Ermensaı shaǵynaýdanynda sýmen jáne jylýmen qamtamasyz etý boıynsha apattar jıi bolyp turady.
Máseleni sheshý úshin ne istelýde?
Qyrkúıek aıynda Erǵojın, Gandı kóshelerindegi, «Orbıta-4» shaǵynaýdanynda uzyndyǵy 1,6 km jylý jelileri qaıta jańartyldy. Bul 546 kóp qabatty turǵyn úıge, 20 bilim berý mekemesine jáne 12 densaýlyq saqtaý nysanyna úzdiksiz jylý berýdi qamtamasyz etedi.
Jeltoqsan aıynda «Almagúl» qosalqy stansıasy úshin 4,8 km elektrmen qamtý kabeldik jelisiniń qurylysy aıaqtalady. Qazir shamamen 3 km tartyldy. Bul 200 myń tutynýshyǵa jáne 11 bilim berý nysanyn elektr energıasymen úzdiksiz qamtamasyz etedi.
Tamyz aıynda «Svejest baý-baqsha seriktestiginiń 1,1 km elektr jelisi men transformatorlyq qosalqy stansıasy «AJK» AQ balansyna berildi, sonymen qatar «Komfort Sıtı» TK ınjenerlik jeliler tartylǵan soń, Qojabekov kóshesindegi asfált jabyny qalpyna keltirildi.
Qyrkúıek aıynda 83 kóshege 751 tirek ornatylyp, uzyndyǵy 22,5 km kóshe jaryǵyn júrgizý bastaldy, bul jumys jeltoqsanda aıaqtalady. 7 kóshedegi jaryqty jańartý jumystary júrgizilýde, ol jeltoqsan aıynda bitedi.