3 kóshege ortasha jóndeý jumystary júrgizilip jatyr.
Almaty ákimi Erbolat Dosaev jyl basynan beri Bostandyq aýdanyndaǵy jol ınfraqurylymy jáne qaýipsizdik jumystaryn qalaı júrgizilgenin aıtty, dep habarlaıdy Almaty-akshamy.kz.
«Osy jyldyń basynan bastap jalpy aýdany 8 248 sharshy metr 65 kóshe aǵymdaǵy jóndeýden ótti, uzyndyǵy 15,2 km 18 kóshege ortasha jóndeý júrgizildi. Onyń ishinde turǵyndardyń ótinishi boıynsha Talapty kóshesi jóndeldi. Budan basqa, 3 kóshege ortasha jóndeý jumystary júrgizilýde», - dedi qala ákimi.
Erbolat Dosaevtyń aıtýynsha, jol qaýipsizdigin qamtamasyz etý maqsatynda jyl basynan beri jaıaý júrginshi ótkelderi belgilenip, 18 baǵdarsham ornatyldy.
«Aýdanda quqyqbuzýshylyqtardyń aldyn alý jáne oǵan jol bermeý úshin 1 245 kóp páterli úıge 7 639 kamera ornatyldy. 2022 jyldyń jeltoqsan aıynda adamdar kóp jınalatyn jerlerge qosymsha 301 beıne monıtorıń júıesi (BMJ 3050) ornatylady. Jol qaýipsizdigin qamtamasyz etý úshin 103 «Sergek» aparattyq-baǵdarlamalyq kesheni (APK) (792 kamera) ornatyldy.2023 jyldyń 1 shildesine deıin taǵy 96 «Sergek» (465 kamera) ornatylady. Onyń ishinde 78 jelilik kamera negizgi kóshelerde, 18-i jol qıylystarynda bolady», - dedi qala basysy aýdan turǵyndarymen kezdesý barysynda.
Ákimniń aıtýynsha,«Iýjnyı» parkinde stasıonarlyq modýldik polısıa pýnkti ornatyldy.