Jármeńke Enbek.kz portalynda.
Elimizdiń óńirlerinen 20-dan astam iri jumys berýshi qatysýǵa ótinim bergen, dep habarlaıdy Almaty-akshamy.kz
29 naýryzda Enbek.kz elektrondyq eńbek bırjasy alańynda taý-ken óndirý jáne óńdeý ónerkásibi kásiporyndarynyń bos jumys oryndarynyń respýblıkalyq onlaın-jármeńkesi ótedi.
Olardyń arasynda ERG, Polymetal International plc kompanıalar tobynyń kásiporyndary, "KAZ Minerals" JSHS, "Elektrovoz qurastyrý zaýyty" JSHS, "AK Altynalmas" AQ jáne basqalary bar.
"Jármeńke barysynda jumys berýshiler óz kompanıalarynyń onlaın-tusaýkeserin ótkizedi, qolda bar bos jumys oryndaryn usynady jáne eń qolaıly kandıdattardyń jeke bazasyn qalyptastyrady. Ótinish berýshiler óz kezeginde uıymdardyń HR-menedjerlerimen sóılese alady, áńgimelesýden ótip, olarǵa qyzyqtyrǵan suraqtaryn qoıa alady", - delingen Eńbek jáne halyqty áleýmettik qorǵaý mınıstrliginiń resmı habarlamasynda.
İs-sharaǵa qatysý úshin Enbek.Tanda portalynyń arnaıy bólimine kirip, jumys izdeýshiler men jumys berýshiler týraly aqparatpen tanysý qajet.
Keıin jumys izdeýshiler qajetti qoljetimdi bos jumys oryndaryn tańdap, olarǵa habarlasa alady.