Búgingi tańda álemdik órkenıet jańasha baǵytta damyp, kúrdeli qubylystar oryn alýda. Jer-jahandaǵy beıbitshilik pen tynyshtyqqa nuqsan kelip, keıbir aımaqtarda aýyrjaǵdaılar qalyptasýda. Osyndaı kúrdeli ózgerister álemdik qaýymdastyqtyń bir múshesi bolyp tabylatyn Qazaqstanǵa da óz áserin tıgizetini sózsiz. Alaıda qashanda basty ustanymy beıbitshilik pen kelisim bolyp tabylatyn elimizde memlekettiń damýy qalypty jaǵdaıda órkendeýde. Álemdik saıasatta Qazaqstannyń bedeli joǵary. Munyń barlyǵy salıqaly saıasatyń arqasynda júzege asýda.
Syrtqy saıasatta osyndaı berik ustanym ustanǵan elimizdiń ishki saıasatynda da asa mańyzdy saıası, ekonomıkalyq betburystar júzege asýda. Ádiletti qoǵam quryp, Jańa Qazaqstannyń irgetasyn qalyptasýda. Al 20 qarashada ótetin kezekten tys prezıdenttik saılaý, jańa basqarý úlgisin qalyptastyryp, bıliktiń júıeli túrde aýysýyn qamtamasyz etedi jáne Qazaqstannyń demokratıalyq memleketke aınalýyna jasalǵan naqty qadam bolmaq. Konstıtýsıalyq zańǵa engen ózgeristerge oraı, endi Prezıdent laýazymy jeti jyl merzimge uzartylyp, bir ǵana merzimge saılanbaq.
Bul álemdik tájirbıeden alynǵan demokratıalyq qadam. Osyndaı tyń ózgerister men jańashyldyq qoǵamda halyq tarapynan qoldaý tabýda. Qazir elimizdiń ár óńirdiń ereksheligi eskerilip, onyń damý baǵdarlamalary usynylýda.
Árıne uzaq ýaqytta qordalanǵan máseleler birden sheshimin taba qoımasy anyq, oǵan ýaqyt qajet. Sol úshin barlyǵymyz saılaýǵa baryp, júıeli jumystyń jalǵasýyna senim bildirýimiz qajet. Sebebi búgingi tańda syndarly saıasat óz nátıjelerin kórsetýde. Mysaly ál-Farabı atyndaǵy QazUÝ alǵash ret QS Azıa óńiri joǵary oqý oryndarynyń reıtıńine enip, 44-orynǵa ıe boldy. Sondaı-aq, «QS Asia University Rankings 2023: Ortalyq Azıa» reıtıńinde 1-shi oryn alyp, Ortalyq Azıadaǵy birinshi joǵary oqý orny bolyp tanyldy. 2023 jylǵy shyǵarylymda ál-Farabı atyndaǵy QazUÝ QS Asia University Rankings reıtıńinde úzdik 6% qataryna endi. Bul tek bir ǵana oqý ornynyń ǵana emes, tutastaı memlekettiń mártebesi. Óıtkeni QazUÝ «QS Asia University Rankings» reıtıńine alǵash ret álemdik deńgeıdegi Sıngapýr Ulttyq ýnıversıteti, Pekın ýnıversıteti, Tokıo ýnıversıteti, Malaı ýnıversıteti, Koreı ýnıversıtetter sekildi oqý oryndarymen birge qatysyp, úzdikter qatarynan kórindi. Bul árıne otandyq joǵarǵy bilim salasy úshinde mańyzdy qadam. Osyndaı jetistikter, bilim sapasynyń alǵa jyljýy, qoǵam damýynyń basty kórsetkishteriniń negizi bolmaq.
Munyń barlyǵy táýelsizdiktiń arqasynda qol jetkizgen erekshe jetistikter. Sondyqtan yrys qonyp, baq daryǵan berekeli elimizdegi birlik pen yntymaqty qadirlep, ıgilikti isterdi qoǵam bolyp qoldaýymyz qajet. Ortaq maqsat, erteńgi bolashaq úshin daýys berý bárimizdiń paryzymyz bolmaq.