Oqýshynyń ózi ákeletin taǵamdy jeýge qajetti jaǵdaı jasaıdy.
Memlekettik orta bilim berý uıymdarynda, mektepten tys qosymsha bilim berý uıymdarynda bilim alýshylardy tamaqtandyrýdy uıymdastyrý qaǵıdalaryna ózgerister men tolyqtyrýlar ázirlendi, dep habarlaıdy Almaty-akshamy.kz
Osylaısha, mektepterge oqýshylardy tamaqtandyrýdy uıymdastyrýdyń balamaly nusqalaryn tańdaý múmkindigin berý usynylady.
Osyǵan baılanysty mektep asqanasynda qural-jabdyqtar men tıisti jaǵdaılar bolǵan kezde oqýshylardy tamaqtandyrýǵa arnalǵan taýarlardy asqana meńgerýshileriniń, aspazshylardyń, asqana qyzmetkerleriniń shtattan tys bólimshelerin engizý arqyly konkýrstyq negizde satyp alýǵa bolatyny týraly jańa tarmaq qosyldy. Jergilikti atqarýshy organdardyń sheshimi boıynsha.
Sonymen birge, otandyq taýar óndirýshilerdi qoldaý aıasynda azyq-túlik ónimderiniń keminde 60 paıyzy ózimizde óndirilýi tıis degen baptar erejeden alynyp tastaldy.
Túsindirgendeı, bul Eýrazıalyq ekonomıkalyq odaqtyń Qazaqstan Respýblıkasynyń ishki naryǵynda kedergilerdiń bar ekendigi týraly qorytyndysy negizinde júzege asyrylady.
Sonymen qatar, erejelerge mektepter ózderimen birge ákelinetin taǵamdardy jeýge qajetti jaǵdaı jasaıdy degen talap qosyldy.
Bul rette, satyp alynatyn azyq-túlik ónimderi Qazaqstan Respýblıkasynyń tamaq ónimderiniń qaýipsizdigi týraly zańnamasynda belgilengen talaptarǵa sáıkes kelýi tıis ekendigi atap ótildi.
Qujat 25 qarashaǵa deıin qoǵamdyq talqylaý úshin Ashyq NQA veb-saıtynda ornalastyrylǵan.