Bıyl «Bolashaq» baǵdarlamasy boıynsha tehnıkalyq jáne IT mamandyqtarǵa granttar sany 36%-dan 60%-ǵa deıin ósedi.
Bul - oqytýdyń osy baǵyttary boıynsha úmitkerlerdi qoldaýdyń qosymsha sharalarynyń biri. Bul týraly Bilim jáne ǵylym mınıstrligi málim etti, dep habarlaıdy Almaty-akshamy.kz.
Tehnıkalyq daıyndyq baǵyttary boıynsha úmitkerler úshin shet tilin meńgerýge arnalǵan IELTS testiniń ortasha baly tómendetildi. Endi 5.0 bal jetkilikti jáne bir jyl tildik daıyndyqtan ótý múmkindigi de qarastyrylǵan. Bul sharalar tehnıkalyq mamandyqtar boıynsha oqytý múmkindigin keńeıtedi.
«BǴM Prezıdent Qasym-Jomart Toqaevtyń tapsyrmasy boıynsha baǵdarlamany qaıta baǵdarlaý prosesin bastady. Endi ınjenerlik-tehnıkalyq kadrlardy daıyndaý basymdyqqa ıe bolmaq. Sondaı-aq «Injenerlik-tehnıkalyq qyzmetkerler» jeńildetilgen sanatyn engizý qarastyrylyp jatyr. «Bolashaq» baǵdarlamasyna qujat tapsyrý kezinde olar mindetti túrde sheteldik ýnıversıtetterge óz betinshe túspeıdi. Olar aldymen til kýrstarynan ótip, stıpendıa taǵaıyndalǵannan keıin baǵdarlama boıynsha oqýǵa usynylǵan ýnıversıtetter tiziminen oqý ornyn tańdaı alady», - dep atap ótti «Halyqaralyq baǵdarlamalar ortalyǵy» AQ prezıdenti Ánýar Janǵozın.
Aýyldyq jerlerden kelgen úmitkerlerdiń de múmkindikterin arttyrý josparlanyp otyr. Mysaly, IELTS nátıjesimen aǵylshyn tilin meńgerý deńgeıin 5.0 balǵa deıin tómendetý, aýyldyq jerlerde mindetti turý merzimi 3 jyldan 2 jylǵa deıin qysqartý josparda bar, olarǵa tildik daıyndyqtan ótýge múmkindik beriledi. Odan bólek, aýdandyq mańyzy bar qala turǵyndaryn qosý arqyly aýyldyq jerlerden kandıdattardyń kontıngentin keńeıtý jáne olardyń sanyn ulǵaıtý usynyldy.
Sondaı-aq 23 tehnıkalyq sheteldik ýnıversıtetti úzdik 250 halyqaralyq akademıalyq reıtıńine kiretin QS World University Rankings, Academic Ranking of World Universities, Times Higher Education World University Rankings jáne BRIKS elderiniń jetekshi 20 ulttyq reıtıńterine engizý jumystary júrgizilip jatyr.
Sonymen qatar kadrlardy daıarlaý jónindegi respýblıkalyq komısıa doktorantýrany bitirgen stıpendıattarǵa, sondaı-aq álemniń jetekshi Fortune-500 kompanıalarynda taǵylymdamadan ótý úshin stıpendıattarǵa bir jyldyq merzimdi keıinge qaldyrý týraly sheshim qabyldady.
Barlyq prosesti ońaılatý, avtomattandyrý jáne ashyqtyq boıynsha jumys jalǵasady. Akademıalyq adaldyqty qamtamasyz etý úshin stıpendıa berýge konkýrstyq irikteý proktorıng pen antıchıtıngtiń jetildirilgen júıesimen júzege asyrylady. Onlaın format jáne bıznes-prosesterdi odan ári avtomattandyrý irikteý júıesin odan da ashyq, qoljetimdi, yńǵaıly jáne utqyr etedi.