Bul - ázirge pılottyq joba.
Qazaqstan Úkimeti memleket azamattaryn kontrafaktilik ónimnen qorǵaý maqsatynda arnaıy pılottyq jobany iske qosty, dep habarlaıdy Almaty-kshamy.kz.
«Tutynýshylardy kontrafaktilik ónimnen qorǵaý jáne «ashyq» zergerlik naryq qurý úshin asyl tastar men baǵaly metaldardan jasalǵan zergerlik buıymdardy sıfrlyq tańbalaý jónindegi pılottyq joba iske qosyldy», - delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.
Pılottyq jobaǵa taýar óndirýshiler, ımporttaýshylar, kóterme jáne bólshek saýda ókilderi, lombardtar qatysa alady. Jobaǵa qatysa otyryp, bıznes-qaýymdastyq ókilderi tańbalaýdyń aqparattyq júıesiniń qyzmetin tegin tekserý, tańbalaý prosesin aǵymdaǵy óndiristik prosesterge ıntegrasıalaýdy pysyqtaý, sondaı-aq tańbalaý kodtaryn engizýdiń túrli tásilderin synaqtan ótkizý múmkindigine ıe bolady.