Senbilikke 100 den astam kýrsant qatysty.
«Clean & Green» jalpyqalalyq senbiligine Radıoelektronıka jáne baılanys áskerı-ınjenerlik ınstıtýtynyń jáne Almaty áskerı-tehnıkalyq mektebiniń 100-den astam kýrsanttary qatysty, dep habarlaıdy Almaty-akshamy.kz.
Jalpyqalalyq senbilikke QR Qorǵanys mınıstrligine qarasty áskerı-tehnıkalyq mektep dırektorynyń orynbasary Murat Sahratov shákirtterimen birge keldi. Jigitter aýmaqty kúl-qoqystan tazartyp, shyrsha men aǵash kóshetterin otyrǵyzdy.
Almaty Áskerı-tehnıkalyq mektebi dırektorynyń orynbasary Murat Sahratov qorshaǵan ortany qorǵaý, tabıǵatty aıalaýǵa baǵyttalǵan mundaı aksıalardyń tárbıelik máni zor deıdi.
«Búgin senbilik bolatynyn estip, kýrsanttarymyzben birge Baým toǵaıyn abattandyrýǵa keldik. Bizdiń jigitter ózimizge bólingen aýmaqty túgel tazalap, qoqysyn jınap, kóshetter otyrǵyzdy. Qala turǵyndary tártip saqtaıdy, tazalyq saqtaıdy dep senemin. Jigitter bilekterin sybanyp, aǵash otyrǵyzyp jatyr, ár plantasıada oqýshylardyń aty-jóni jazylǵan taqtaıshalar ilinip tur. Apta boıy olar kelip, sýǵaryp, kóshetterdi kútip otyrýǵa mindetti. Súıikti qalamyzdy kórkeıtýge atsalysyp jatqanymyzǵa óte qýanyshtymyz».
