Ǵylym salasy kenjelep qaldy. Búgingi tańda bul salaǵa kóp kóńil bólinýde. Onyń aıǵaǵy - búgingi Memleket basshysynyń qatysýymen ótken Ǵylym jáne tehnologıalar jónindegi ulttyq keńestiń otyrysy. Osy sharaǵa qatysqan QR Prezıdenti janyndaǵy Ǵylym jáne tehnologıalar jónindegi ulttyq keńestiń múshesi Aqylbek Kúrishbaev óz oıymen bólisti.
«Men oılaımyn bul keńes - jaqsy tájirıbıe. AQSH-ta, Sıngapýrda Prezıdent janynda osyndaı keńester bar. Osy Keńestiń arqasynda Memleket basshysyna tikeleı usynysymyzdy aıtatyn bolamyz. Ǵylym, bilimge qatysty reformalar bolsa, menińshe, bul sala tıisti deńgeıge jetetin bolady», - dedi Qazaq ulttyq agrarlyq zertteý ýnıversıtetiniń Basqarma tóraǵasy – rektory Aqylbek Kúrishbaev.
Memleket basshysy ǵylym salasy mamandaryna arnaıy tapsyrmalar berip, ǵylym salasyna ózgeris jasaý kerektigin aıtty.
«Bizde ózgeris deýge bolady. Ǵylymda ózindik prıorıtettik baǵyttary bolady. Agrarlyq ǵylymda. Sony damytýymyz kerek. Búgin Memleket basshysy naqty tapsyrmalardy qoıdy, - deıdi A.Kúrishbaev.